ဂျပန်တွင် အမျိုးသမီးတစ်ဦးအား ဆေးရုံတက်ရအောင် ယာဉ်တိုက်မိမှုကျူးလွန်ခဲ့ပေမဲ့လည်း ပြစ်ဒဏ်ချမှတ်ခြင်းမခံခဲ့ရတဲ့ ပရီးမီးယားလိဂ်စတားမီတိုမို
==================
ပရီးမီးယားလိဂ်စတားကာအိုရူမီတိုမာဟာ ယာဉ်မတော်တဆမှုကြောင့် အမျိုးသမီးတစ်ဦးအား ဆေးရုံတက်ရအောင် ပြုလုပ်ခဲ့ပေမဲ့လည်း ထောင်ဒဏ်အပြင် ငွေဒဏ်ပါ ချမှတ်ခြင်းခံရမယ့်အရေးမှ လွတ်မြောက်သွားခဲ့ပါတယ်။
ဇူလိုင်လ ၈ ရက်နေ့တုန်းက တိုကျိုမြို့လယ်တွင် ဖြစ်ပျက်ခဲ့တဲ့ မတော်တဆမှုအပြီးတွင် တိုကျိုရဲတပ်ဖွဲ့ဝင်များက မီတိုမာအား စစ်ဆေးမေးမြန်းမှုများ ပြုလုပ်ခဲ့ကြပါတယ်။
မီတိုမာဟာ မီးနီဖြတ်မောင်းစဉ် အမျိုးသမီးတစ်ဦး စီးလာတဲ့ စက်ဘီးကို တိုက်မိခဲ့တာ ဖြစ်ပြီး ယင်းအမျိုးသမီးကို ဆေးရုံပိ့ခဲ့ရပါတယ်။
အသက် ၄၈ နှစ်ရှိ အမျိုးသမီးဟာ လက်မောင်းဒဏ်ရာရရှိပြီး ဆေးကုသမှုခံယူပြီးနောက် နှစ်ပတ်အကြာတွင် ပြန်လည်ကောင်းမွန်လာခဲ့ပါတယ်။
တိုကျိုရဲတပ်ဖွဲ့က ယင်းအမှုအား စစ်ဆေးမှု ပြုလုပ်ခဲ့ပြီးနောက် မီတိုမာကို အန္တရာယ်ရှိတဲ့ ယာဉ်မောင်းနှင်မှုဖြင့် စွဲချက်တင်ရန် စဉ်းစားခဲ့ပါတယ်။
ဒါပေမဲ့ သောကြာနေ့မှာတာ့ နှစ်ဖက်လုံးက ယာဉ်အန္တရာယ်မီးအချက်ပြမှုကို ဂရုမစိုက်ဘဲ မောင်းနှင်ကြောင်း တွေ့ရှိရပြီးနောက် ဂျပန်အတွက် ၃၁ ပွဲကစားထားတဲ့ မီတိုမာအား အရေးမယူရန် ဆုံးဖြတ်ခဲ့ပါတယ်။
မီတိုမာဟာ တံကောက်ကြောဒဏ်ရာကြောင့် ပြီးခဲ့တဲ့ရာသီ နှောင်းပိုင်းကို လွဲခဲ့တဲ့အပြင် ဂျပန်ရဲ့ ကမ္ဘာ့ဖလားပြိုင်ပွဲကိုလည်း လွဲချော်ခဲ့ပါတယ်။
သူဟာ ၂၀၂၁ ခုနှစ်တွင် ဂျပန်ကလပ် Kawasaki Frontale မှ ပြောင်းလာပြီးနောက် ဘရိုက်တန်အတွက် ၁၃၅ ပွဲကစားကာ ၂၇ ဂိုးသွင်းယူပေးထားပါတယ်။
