ဖီဖာရဲ့အငြင်းပွားဖွယ် အစီအစဉ်ကြောင့် အင်္ဂလန်အမျိုးသမီးအသင်းအား ကမ္ဘာ့ဖလားအား သပိတ်မှောက်ရန် ပရိသတ်များ တောင်းဆိုလာကြ
====================
အင်္ဂလန်ပရိသတ်များဟာ ဖီဖာရဲ့ ကမ္ဘာ့ဖလားပြိုင်ပွဲအား ရောင်းချရန် စီစဉ်ထားမှုအား သပိတ်မှောက်တဲ့အနေဖြင့် ကမ္ဘာ့ဖလားပြိုင်ပွဲ ဝင်ရောက် မယှဉ်ပြိုင်ရန် တိုက်တွန်းလာကြပါတယ်။
ဖီဖာဟာ ကမ္ဘာ့ဖလားပြိုင်ပွဲအပါအဝင် ပြိုင်ပွဲကြီးများတွင် ပြင်ပပုဂ္ဂလိကကုမ္ပဏီများရဲ့ ရင်းနှီးမြှပ်နှံမှု လက်ခံရန် စီစဉ်နေတာ ဖြစ်ပြီး ယင်းအစီအစဉ်သာ ဖြစ်မြောက်လာပါက ဖီဖာဥက္ကဌအင်ဖန်တီနိုနှင့် သူ့ရဲ့အမေရိကန်အပေါင်းပါတို့မှာ ကမ္ဘာ့ဖလားမှ ပေါင်သန်းပေါင်းများစွာ အကျိုးအမြတ်ရရှိလာမှာလည်း ဖြစ်ပါတယ်။
အကြီးအကျယ်ဒေါသထွက်နေတဲ့ အင်္ဂလန်ပရိသတ်များဟာ အထက်ပါအဖြစ်အပျက်အား မဖြစ်မနေ တားဆီးရမယ်လို့ ဆိုနေကြပါတယ်။
တဖက်တွင် ယူအီးအက်ဖ်အေဟာလည်း အထက်ပါအရေးနှင့်ပတ်သက်ပြီး အရေးပေါ် အစည်းအဝေးပြုလုပ်ရန် စီစဉ်နေပြီး ယင်းအစည်းအဝေးက သပိတ်မှောက်တဲ့အထိ ဦးဆောင်ဖြစ်လာနိုင်စေနေပါတယ်။
အင်္ဂလန်ပရိသတ်များဟာ ပြီးခဲ့တဲ့ ကမ္ဘာ့ဖလားပြိုင်ပွဲတုန်းက လက်မှတ်ဈေးနှုန်းအလွန်မြင့်မားမှုနှင့် ကြုံရကာ ဖီဖာကို ဒေါသထွက်နေခဲ့ကြတာ ဖြစ်ပြီး ယခုအဖြစ်အပျက်တွင် ကမ္ဘာ့ဖလားပြိုင်ပွဲအား ဝင်ရောက် မယှဉ်ပြိုင်ဘဲ သပိတ်မှောက်ရန် တောင်းဆိုလာကြပါတယ်။
တဖက်တွင် ဖီဖာဥက္ကဌအင်ဖန်တီနိုဟာ ၎င်းရဲ့ကမ္ဘာ့ဖလားပြိုင်ပွဲအား ရောင်းချမယ့် အစီအစဉ်ကို ၅၃ ရက်အတွင်း ထောက်ခံမှု ပြုလုပ်တဲ့ ဘောလုံးအဖွဲ့ချုပ် ၂၁၁ မှ တစ်ခုစီတို့အား ပေါင်သန်း ၃၀ (ဒေါ်လာသန်း ၄၀) ပေးမယ်လို့ ကတိပြုထားပါတယ်။
ဖီဖာက ကမ္ဘာ့ဖလားအား ရောင်းချလာမဲ့ အစီအစဉ်တွင် ဒေါ်နယ်ထရန့်ရဲသမက်ဂျာရက်ကူရှနာရဲ့ ညီအစ်ကိုအရင်းဖြစ်သူ ဂျိုရှာကူရှနာပိုင် Thrive က အဓိကနေရာက ပါဝင်နေတာလည်း ဖြစ်ပါတယ်။
