ချဲလ်ဆီးသို့ ပြောင်းရွှေ့ရေး အပြီးသတ်ရန် ဒန်နီဝဲလ်ဘက် ဆေးစစ်ဆေးမှု ခံယူလာတော့မည်
======================
ဒန်နီဝဲလ်ဘက်ဟာ ဘရိုက်တန်ဘက်က ဆေးစစ်ဆေးမှုခံယူရန် ခွင့်ပြုလာမှုနှင့်အတူ ချဲလ်ဆီးသို့ ပြောင်းရွှေ့ရေး အပြီးသတ်လာနိုင်တော့မှာ ဖြစ်ပါတယ်။
အသက် ၃၅ နှစ်ရှိ အင်္ဂလန်တိုက်စစ်မှူးဟာ ချဲလ်ဆီးနှင့် ၂ နှစ်စာချုပ်ချုပ်ဆိုလာမယ်လို့ ယုံကြည်ရပြီး လာမယ့်အပတ် ဟောင်ကောင်တွင် ကလပ်သစ်နှင့် ပူးပေါင်းလာမယ်လို့ ယုံကြည်ရပါတယ်။
အလွန်ဆိုဟာ အသင်းတွင် လူငယ်ကစားသမား အလွန်များပြားနေကာ ပြီးခဲ့တဲ့နှစ်ရာသီဆက် ပရီးမီးယားလိဂ်ရဲ့ပျမ်းမျှအသက်အငယ်ဆုံးအသင်းဖြစ်လာခဲ့မှုကြောင့် ဝါရင့်ကစားသမားအချို့ကို အားဖြည့်လိုနေမှုနှင့်အတူ ဝဲလ်ဘက်အား ခေါ်ယူလာတာလည်း ဖြစ်ပါတယ်။
ချဲလ်ဆီးနည်းပြအလွန်ဆိုဟာ လေဗာကူဆင်တွင် ၂ နှစ်တိုင်တိုင် လက်တွဲခဲ့တဲ့ အသက် ၃၄ နှစ်ရှိ ဝါရင့်ကွင်းလယ်ကစားသမားဂရာနစ်ဇာခါကို ခေါ်ယူရန် ကြိုးပမ်းခဲ့ပေမဲ့လည်း မအောင်မြင်ခဲ့ပါဘူး။
အာဆင်နယ်နှင့် ယူနိုက်တက်တိုက်စစ်မှူးဟောင်းဒန်နီဝဲလ်ဘက်ဟာ ၂၀၂၁ ခုနှစ်တွင် ဝက်ဖို့ဒ်မှ အလွတ်ပြောင်းရွေ့ကြေးဖြင့် ပြောင်းလာပြီးနောက် ဘရိုက်တန်ရဲ့ ဂိုးသွင်းဘုရင်အဖြစ် ရပ်တည်ခဲ့သူ ဖြစ်ပြီး ပွဲ ၄၀၀ ကျော်ကစားထားရာမှာ ဂိုး ၉၀ သွင်းထားနိုင်ပါတယ်။
ဒန်နီဝဲလ်ဘက် ရောက်လာတော့မှာ ဖြစ်လို့ ချဲလ်ဆီးတွင် တိုက်စစ်မှူး ၆ ဦးအထိ ရှိလာတော့မှာလည်း ဖြစ်ပါတယ်။
ဒါပေမဲ့ ချဲလ်ဆီးဟာ နီကိုလပ်ဂျက်ဆင်၊ လီယမ်ဒီလပ်၊ မာ့ခ်ဂူယူတို့အား အပြီးသတ် ရောင်းချခြင်း သို့မဟုတ် အငှားချခြင်း ပြုလုပ်လာပါမယ်။
ချဲလ်ဆီးဟာ ညီအစ်မကလပ် စထရာဘော့မှ ဒတ်ချ်တိုက်စစ်မှူးအီမန်နူရယ်အီမီဂါကိုလည်း ခေါ်ယူထားပါတယ်။
