ရာသီကြိုခြေစမ်းပွဲ နှစ်ဖက်အသင်းသားများ ရန်ဖြစ်စဉ် အမျိုးသမီးဒိုင်လူကြီး မေ့လဲကျခဲ့
===================
အမျိုးသမီးဒိုင်လူကြီးတစ်ဦးဟာ နယ်သာလန်တွင် ပြင်သစ်ကလပ်များဖြစ်ကြတဲ့ မက်ဇ်နှင့် ဖော်ကျူနာဆစ်တတ်ရဲ့ ရာသီကြိုခြေစမ်းပွဲစဉ်အတွင်း ကွင်းမြက်ခင်းတွင် လဲကျပြီး ကွင်းအတွင်းမှ ထွက်ခွာခဲ့ရပါတယ်။
မီဒီယာများရဲ့ဖော်ပြချက်အရ မာသဲလ်ဒီဒီမွန်ကေးဟာ ကစားသမားများ အချင်းများ ရန်ဖြစ်မှုအား ဖြေဖျန်ရန် ကြိုးပမ်းစဉ် ကွင်းမြက်ခင်းတွင် လဲကျကာ ခေါင်းမူးဝေသွားခဲ့တာပါ။
ယင်းပွဲရဲ့ ပွဲချိန်မိနစ် ၄၀ တွင် အင်္ကျီဆွဲမှုနှင့်ပတ်သက်ပြီး ကစားသမား ၂ ဦးအချင်းများစွာ အခြားကစားဖော်များလည်း ရန်ပွဲတွင် ပါဝင်လာရာမှ ရုန်းရင်းဆန်ခတ်ဖြစ်ခဲ့တာလည်း ဖြစ်ပါတယ်။
ဒီမွန်ကေးဟာ ရန်ပွဲအား ဖြေဖျန် ကြိုးပမ်းစဉ် ကွင်းမြက်ခင်းသို့ ပြင်းထန်စွာ လဲကျသွားခဲ့ပါတယ်။
သူမဟာ ကွင်းအတွင်းသို့ လက်ထောက်ဒိုင်များ၊ ဆေးအဖွဲ့ဝင်များ၊ လုံခြုံရေးများ ရောက်လာပြီးနောက် ကွင်းထဲ ဆေးကုသမှုခံယူခဲ့ပါတယ်။
သူမဟာ ပထမပိုင်းပွဲကျန် မိနစ်အနည်းငယ်ကို လက်ထောက်ဒိုင်အဖြစ် တာဝန်ယူခဲ့ပါတယ်။ ဒါပေမဲ့ သူမဟာ ဒုတိယပိုင်းမှာတော့ တာဝန်ထမ်းဆောင်ခဲ့ခြင်း မရှိပါဘူး။
ယင်းခြေစမ်းပွဲတွင် မက်ဇ်က ၃-၁ ဖြင့် အနိုင်ရရှိခဲ့ပါတယ်။
