ဖားကန့်မြို့၌ ရေကြီးရေလျှံစဥ်ကတင်ကျန်ခဲ့သော အမှိုက်သရိုက်များကိုရှင်းလင်း
ကချင်ပြည်နယ်၊ ဖားကန့်မြို့၌ မိုးသည်းထန်စွာရွာသွန်းပြီး ဥရုချောင်းရေမြင့်တက်ချိန်က ရေကြီးရေလျှံမှုဖြစ်ပေါ်ခဲ့ချိန်ကတင်ကျန်ခဲ့သော အမှိုက်သရိုက်များ၊ ရွှံ့နွံများ၊ နုန်းများကို စက်၊ ယန္တရားများအကူအညီဖြင့်ဖယ်ရှားရှင်းလင်းမှုများပြုလုပ်လျက်ရှိကြောင်း သိရသည်။
လုံခြုံရေးအဖွဲ့ဝင်များ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများ၊ လူမှုကူညီရေးအသင်းဝင်များစုပေါင်း၍ ယနေ့ ဇူလိုင် ၂၃ ရက်တွင်လည်း ဒုတိယနေ့အဖြစ် ဖားကန့်မြို့၊ ငှက်ပျောတောရပ်ကွက် ကြိုးတံတားထိပ်၌ ဖယ်ရှားရှင်းလင်းပေးခဲ့ကြကြောင်း သိရသည်။
ထို့အတူ ဇူလိုင် ၂၂ ရက်ကလည်း လုံခြုံရေးအဖွဲ့ဝင်များပါဝင်ဆသာ ပူးပေါင်းအဖွဲ့ဝင်များသည် ငှက်ပျောတောရပ်ကွက်ရှ် ဥရုရတနာလမ်းတွင် ဖယ်ရှားရှင်းလင်းမှုများပြုလုပ်ခဲ့ကြကြောင်း သိရသည်။
ထို့ပြင် ရေကြီးရေလျှံမှုကြုံတွေ့ခဲ့ရသည့် ရပ်ကွက်များတွင်လည်း ရေပြန်လည်ကျဆင်းသွားချိန်၌တင်ကျန်ခဲ့သော အမှိုက်သရိုက်များ၊ ရွှံ့နွံများကို သက်ဆိုင်ရာရပ်ကွက်များအလိုက် ဖယ်ရှားရှင်းလင်းမှုများပြုလုပ်လျက်ရှိကြောင်း သိရသည်။
