ပခုက္ကူမြို့နယ်ရှိ မဟာဓာတ်အားလိုင်းတိုင်အမှတ်(၃၃၈)မိုင်းထောင်ဖောက်ခွဲဖျက်ဆီးခံရ
ဇူလိုင် ၁၉ ရက်ည ၇ နာ ရီခွဲခန့်က မကွေးတိုင်း၊ ပခုက္ကူမြို့နယ်၊ ပေါင်လောင်ကန်ကျေးရွာအနီးရှိ ၁၃၂ ကေဗွီ မဟာဓာတ်အားလိုင်း ၏တိုင်အမှတ်(၃၃၈)အား အကြမ်းဖက်အဖွဲ့ဝင်များ က မိုင်းထောင်ဖောက်ခွဲဖျက်ဆီးခဲ့ကြကြောင်း လျှပ်စစ်နှင့် စွမ်းအင်ဝန်ကြီးဌာနထံမှ သိရသည်။
ထိုသို့ ဖျက်ဆီးခံရမှုကြောင့် ပခုက္ကူ၊ ရေစကြို၊ မြိုင်နှင့် ကမ္မမြို့များသို့သွယ်တန်းထားသည့် လျှပ်စစ်မီးလိုင်းများပြတ်တောက်သွားခဲ့ကာ မကွေးတိုင်းရှိ ၁၃၂ ကေဗွီဓာတ်အားပေးကွန်ရက်စနစ်အတွင်း ဓာတ်အားတည် ငြိမ်မှုထိခိုက်ခဲ့၍ တိုင်းအတွင်းမှ အခြားမြို့၊ ရွာများတွင်ပါ ဗို့အားကျဆင်းခြင်း၊ ရံဖန်ရံခါဓာတ်အားပြတ်တောက်ခြင်းများဖြစ်ပေါ်လျက်ရှိကြောင်း သိရသည်။
လက်ရှိအချိန်၌ ပျက်စီးသွားသော တာဝါတိုင် ၃၃၈ ကို လုံခြုံရေးအဖွဲ့များနှင့်အတူ မြို့နယ်လျှပ်စစ်အင်ဂျင်နီ ယာရုံးမှဝန်ထမ်းများနှင့် တာဝန်ရှိသူများက အမြန်ဆုံးပြန်လည်ပြုပြင်နိုင်ရေးအတွက် ဆောင်ရွက်လျက်ရှိကြောင်း သိရသည်။
