၇၉ နှစ်မြောက် အာဇာနည်နေ့အတွက် ဝမ်းနည်းကြောင်း ဂျာမနီ၊ ဩစတြေးလျ၊နော်ဝေး နိုင်ငံသံရုံးတို့ ထုတ်ပြန်
ယနေ့ဇူလိုင်(၁၉)ရက်တွင် ကျရောက်သည့် ၂၀၂၆ ခုနှစ် (၇၉)နှစ်မြောက် အာဇာနည်နေ့အတွက် ဝမ်းနည်းကြောင်း မြန်မာအခြေစိုက် ဂျာမနီ၊ ဩစတြေးလျ၊နော်ဝေး နိုင်ငံသံရုံးတို့မှ ယနေ့တွင် အသီးသီး ထုတ်ပြန်ထားသည်။
မြန်မာနိုင်ငံ၏ အနာဂတ်အတွက် ခေတ်အဆက်ဆက် ကြိုးပမ်းခဲ့ကြသူများအားလုံးကိုလည်း ဂုဏ်ပြုကြောင်းလည်း Royal Norwegian Embassy in Yangon က ထုတ်ပြန်ချက်တွင် ဖော်ပြထားသည်။
ထို့အတူ မြန်မာပြည်သူများနှင့်အတူ ကျဆုံးလေပြီးသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်များကို ကျွန်ုပ်တို အောက်မေ့ဂုဏ်ပြုအပ်ပါကြောင်း၊ အာဇာနည်ခေါင်းဆောင်များသည် မြန်မာနိုင်ငံ၏ လွတ်လပ်ရေးနှင့် ပိုမိုကောင်းမွန်သော အနာဂတ်အတွက် ကြိုးပမ်းရင်း အသက်ပေးလှူခဲ့ကြကြောင်းလည်း ဂျာမနီသံရုံးက ထုတ်ပြန်ထားသည်။
ယနေ့ကျရောက်သည့် ၇၉ နှစ်မြောက် အာဇာနည်နေ့တွင် ပိုမိုတောက်ပသည့် အနာဂတ်အတွက် အားထုတ်ကြိုးပမ်းရင်းကျဆုံးခဲ့သည့် ဗိုလ်ချုပ်အောင်းဆန်း နှင့် တကွ အာဇာနည် ပုဂ္ဂိုလ်များကို မြန်မာပြည်သူများနှင့် အတူ ဂါရဝပြုကြောင်းလည်း ဩစတြေးလျ သံရုံးက အသိပေးထုတ်ပြန်ထားသည်။
