စပါးစ်ရဲ့ဘတ်ဗေးလ်အား ပေါင် ၄၅ သန်းဖြင့် ထပ်မံကမ်းလှမ်းရန် စီစဉ်လာတဲ့ နော်တင်ဟမ်ဖောရက်စ်
===================

နော်တင်ဟမ်ဖောရက်စ်ဟာ စပါးစ်ကွင်းလယ်ကစားသမားလူးကပ်စ်ဘတ်ဗေးလ်ကို ပေါင် ၄၅ သန်းဖြင့် ကမ်းလှမ်းရန် စီစဉ်နေပါတယ်။
စပါးစ်ဟာ ပြီးခဲ့တဲ့အပတ်တုန်းက အသက် ၂၀ နှစ်ရှိ ကစားသမားအတွက် နော်တင်ဟမ်ဖောရက်စ်ရဲ့ ပေါင် ၃၈ သန်းဖြင့် ကမ်းလှမ်းမှုကို ပယ်ချခဲ့ပြီး ဖြစ်ပါတယ်။
ဆွီဒင်လက်ရွေးစင်ကစားသမားဟာ ပြီးခဲ့တဲ့ရာသီတုန်းက နည်းပြရောဘတ်ဒီဇာဘီလက်အောက်တွင် ပွဲချိန်အကန့်အသတ်ဖြင့်သာ ကစားခွင့် ရရှိပြီးနောက် နော်တင်ဟမ်ဖောရက်စ်သို့ ပြောင်းရွှေ့ကစားရန် စိတ်အားထက်သန်နေတယ်လို့ ယုံကြည်ရပါတယ်။
ဘတ်ဗေးလ်ဟာ ၂၀၂၄ ခုနှစ်တွင် ဆွီဒင်ကလပ် Djurgarden သို့ ပြောင်းလာပြီးနောက် စပါးစ်တွင် ကစားတဲ့ ပထမဆုံးရာသီတွင် ကလပ်ရဲ့ တစ်နှစ်တာအကောင်းဆုံးကစားသမားဆု ဆွတ်ခူးနိုင်ခဲ့သလို ယူရိုပါလိဂ်ဖလားလည်း ရယူနိုင်ခဲ့ပါတယ်။
သူဟာ ၂၀၂၅ ခုနှစ် ဧပြီလတုန်းက ကလပ်နှင့် ၂၀၃၁ ခုနှစ်အထိ စာချုပ်သစ်ပြောင်းလဲ ချုပ်ဆိုခဲ့ပါတယ်။
ဘတ်ဗေးလ်ဟာ ဆွီဒင်အတွက် ၁၄ ပွဲကစားထားသူ ဖြစ်ပြီး ကမ္ဘာ့ဖလားပြိုင်ပွဲတွင် ၃၂ သင်းအထိ တက်ရောက်နိုင်ခဲ့ပါတယ်။
ဖောရက်စ်ဟာ အင်္ဂလန်ကွင်းလယ်လူအီးလီးယော့အင်ဒါဆင်ကို မန်စီးတီးသို့ ဗြိတိန်စံချိန်တင်ပြောင်းရွှေ့ကြေး ပေါင်သန်း ၁၂၀ ဖြင့် ရောင်းချပြီးနောက် ဘတ်ဗေးလ်နှင့် အစားထိုးရန် စီစဉ်နေတာပါ။
ဖောရက်စ်ဟာ ပြီးခဲ့တဲ့နွေရာသီတုန်းက ကစားသမား ၁၃ ဦးအထိ ခေါ်ယူခဲ့ပေမဲ့လည်း ယခုနွေရာသီတွင်မူ အရည်အသွေးမြင့်ကစားသမားများကိုသာ ခေါ်ယူရန် စီစဉ်ထားပါတယ်။