ကမ္ဘာ့ဖလား ဗိုလ်လုပွဲ သမ္မတ ထရန့်သွားကြည့်မည်
စပိန်နဲ့ အာဂျင်တီးနားတို့ ဗိုလ်လုပွဲအဖြစ် ထိပ်တိုက်တွေ့ကြမယ့် လာမယ့်တနင်္ဂနွေနေ့ ဖီဖာကမ္ဘာ့ဖလား(FIFA World Cup) ဗိုလ်လုပွဲကို သမ္မတ ထရန့် တက်ရောက်မယ်လို့ အိမ်ဖြူတော်က အတည်ပြုလိုက်ပါတယ်။ ဒီပွဲကိုတော့ MetLife Stadium ကွင်းမှာ ကျင်းပသွားမှာပါ။
အိမ်ဖြူတော် ပြန်ကြားရေးအတွင်းရေးမှူး ကာရိုလိုင်း လီဗစ်(Karoline Leavitt) က "အမေရိကန်နိုင်ငံအနေနဲ့ ကမ္ဘာကြီးကို အကြီးကျယ်ဆုံး စင်မြင့်ထက်မှာ ဧည့်ခံကျင်းပပေးနိုင်တဲ့ စွမ်းရည်ကို သက်သေပြခဲ့တဲ့ ဒီပြိုင်ပွဲကြီးအတွက် သမ္မတထရန့်ရဲ့ တက်ရောက်မှုဟာ အလွန်ပဲ သင့်တော်ပြည့်စုံတဲ့ နိဂုံးချုပ်မှုတစ်ခု ဖြစ်လာမှာပါ" လို့ ပြောပါတယ်။
ဖီဖာ(FIFA) ဥက္ကဋ္ဌ ဂျီယန်နီ အင်ဖန်တီနို(Gianni Infantino) ကလည်း သူနဲ့ သမ္မတထရန့်တို့ နှစ်ယောက်ဟာ ဘောလုံးကွင်းထဲအထိ ကိုယ်တိုင်ဆင်းပြီး အနိုင်ရရှိသွားတဲ့ အသင်းခေါင်းဆောင်ရဲ့ လက်ထဲကို ဖီဖာကမ္ဘာ့ဖလား ဆုဖလားကြီး ပေးအပ်ချီးမြှင့်သွားမယ်လို့ ပြောကြားခဲ့ပါတယ်။
