ဝုဗ်အလယ်တန်းကစားသမားဂျိုအာဂိုမက်စ်ကို ပေါင် ၃၈ သန်းဖြင့် ခေါ်ယူရန် ဗီလာ သဘောတူညီမှု ရရှိလာ
=====================
ဝုဗ်အလယ်တန်းကစားသမားဂျိုအာဖီးလစ်ဟာ အက်စတွန်ဗီလာသို့ ပြောင်းရွှေ့ကြေး ပေါင် ၃၈ သန်းဖြင့် ပြောင်းရွှေ့လာပါတော့မယ်။
ဘရာဇီးလက်ရွေးစင်ကစားသမားဟာ ပေါ်တူဂီတွင် ရာသီကြိုလေ့ကျင့်ခန်းဆင်းနေတဲ့ ဝုဗ်အသင်းမှ နုတ်ထွက်လာခဲ့ပြီး ကြာသပတေးနေ့တွင် ဆေးစစ်ဆေးမှုခံယူကာ အပြောင်းအရွှေ့အား အပြီးသတ်လာပါမယ်။
ဗီလာဟာ ဂိုမက်စ်အတွက် ဝုဗ်ကို ပြောင်းရွှေ့ကြေး ပေါင် ၃၄ သန်းအပြင် စွမ်းဆောင်ရည်အပေါ် မူတည်ပြီး နောက်ထပ် ပေါင် ၄ သန်းထပ်မံပေးရပါမယ်။
ဗီလာဟာ ယခုနွေတွင် ယူရီတီလီမန်းစ်ကို ယူနိုက်တက်ထံသို့ ပေါင် ၃၅ သန်းဖြင့် ရောင်းချထားသလို အေမာဒူအိုနာနာမှာလည်း ကမ္ဘာ့ဖလားတွင် ရရှိခဲ့တဲ့ ဒူးအရွတ်ဒဏ်ရာကြောင့် ကာလရှည် အနားယူရမည်ဖြစ်ရာ အလယ်တန်းကို အားဖြည့်ရန် လိုအပ်နေပါတယ်။
၎င်းတို့ဟာ ဖရိုင်းဘတ်မှ ဆွစ်ဇာလန်အလယ်တန်းကစားသမားဂျိုဟန်မန်ဇမ်ဘီကိုလည်း ပေါင်သန်း ၅၀ ဖြင့် ခေါ်ယူရန် နီးစပ်ထားပြီး ဖြစ်ပါတယ်။
အက်သလက်တီကိုဟာ ပြီးခဲ့တဲ့နွေတုန်းက ဂိုမက်စ်ကို ခေါ်ယူရေး ကြိုးပမ်းခဲ့ပေမဲ့ အပြောင်းအရွှေအပြီးမသတ်နိုင်ခဲ့ပါဘူး။
ဂိုမက်စ်ဟာ ပြီးခဲ့တဲ့ရာသီတုန်းက ပရီးမီးယားလိဂ်မှ တန်းဆင်းခဲ့ရတဲ့ ဝုဗ်အတွက် ပြိုင်ပွဲအရပ်ရပ်တွင် ၄၁ ပွဲကစားပေးခဲ့သူ ဖြစ်ပါတယ်။?
သူဟာ ၂၀၂၃ ခုနှစ်တွင် ဖလာမင်ဂိုမှ ပြောင်းလာပြီးနောက် ဝုဗ်အတွက် ပွဲ ၁၃၀ ကစားခဲ့ရာမှာ ၇ ဂိုးသွင်းယူပေးခဲ့ပါတယ်။
