ပေါင်သန်း ၁၀၀ အထိ ရန်ပုံငွေ ရရှိရေး ရှာကီရာရဲ့ ကမ္ဘာ့ဖလားဝတ်စုံ၊ လက်မှတ်ထိုးထားတဲ့ မက်ဆီရဲ့ဂျာစီအပါအဝင် အမှတ်တရပစ္စည်းများကို လေလံတင်ရောင်းချမည်
=====================
ကမ္ဘာ့ဖလားပရိသတ်များဟာ ကမ္ဘာ့ဖလားဗိုလ်လုပွဲ ပထမပိုင်းအပြီး ဖျော်ဖြေပွဲအတွင်းတွင် လီယွန်နယ်မက်ဆီအမှတ်တရ လက်မှတ်ထိုးထားတဲ့ အာဂျင်တီးနားအင်္ကျီ၊ ရှာကီရာဝတ်ဆင်ထားတဲ့ ဝတ်စုံတို့အား ပိုင်ဆိုင်နိုင်မဲ့ အခွင့်အရေး ရရှိနေပြီ ဖြစ်ပါတယ်။
စပိန်က ပြင်သစ်ကို အနိုင်ယူကာ ဗိုလ်လုပွဲသို့ တက်ရောက်ထားသလို အာဂျင်တီးနားကလည်း အင်္ဂလန်ကို အနိုင်ယူကာ ဗိုလ်လုပွဲသို့ တက်ရောက်ထားပါတယ်။
စပိန်နှင့် အာဂျင်တီးနားတို့ဟာ လာမဲ့ တနင်္ဂနွေနေ့တွင် နယူးဂျာစီမှာ ကမ္ဘာ့ဖလားဗိုလ်လုပွဲ ကစားကြပါမယ်။
ယင်းကမ္ဘာ့ဖလားဗိုလ်လုပွဲအတွင်းတွင် ကမ္ဘာ့ဖလားအမာခံပရိသတ်များအနေဖြင့် ကမ္ဘာ့ဖလားပြိုင်ပွဲမှ အမှတ်တရပစ္စည်းများကို ပိုင်ဆိုင်နိုင်မဲ့ အခွင့်အရေး ရရှိနေကြပါတယ်။
Christie’s နှင့် Global Citizen တို့ ပူးပေါင်းပြီး Fifa Global Citizen Education Fund အတွက် ရန်ပုံငွေ ပေါင်သန်း ၁၀၀ အထိ ရရှိရေး အထူးစပါယ်ရှယ်လေလံပွဲ ပြုလုပ်လာပါမယ်။
ယင်းလေလံပွဲတွင် ကမ္ဘာ့ဖလားရွှေဖိနပ်ဆုအတွက် ဘက်ပေးနှင့် ဦးဆောင်နေတဲ့ လီယွန်နယ်မက်ဆီ လက်မှတ်ရေးထိုးထားတဲ့ အာဂျင်တီးနားအင်္ကျီကိုလည်း လေလံတင် ရောင်းချလာပါမယ်။
ယင်းလေလံပွဲကို ဇူလိုင်လ ၂၂ ရက်နေ့တွင် Live လွှင့် ပြုလုပ်လာမှာ ဖြစ်ပြီး ငွေအမြင့်ဆုံးပေးနိုင်တဲ့သူက ပိုင်ဆိုင်လာပါမယ်။
ဒါ့အပြင် ကမ္ဘာ့ဖလား ၁၆ သင်း ရှုံးထွက်အဆင့်မှ ထွက်ခွာခဲ့ရတဲ့ အမေရိကန်တစ်သင်းလုံး အမှတ်တရလက်မှတ်ထိုးထားတဲ့ အင်္ကျီကိုလည်း လေလံတင် ရောင်းချလာပါမယ်။
အထူးစိတ်ဝင်စားဖို့ကောင်းတာကတော့ ၂၀၂၆ ကမ္ဘာ့ဖလားသီချင်း Dai Dai သီချင်းဗီဒီယိုတွင် ကိုလံဘီယာပေါ့ပ်စူပါစတားရှာကီရာဝတ်ဆင်ခဲ့တဲ့ ဝတ်စုံကိုလည်း လေလံတင် ရောင်းချလာပါမယ်။
Christie’s ဟာ ကမ္ဘာ့ဖလားဗိုလ်လုပွဲ ပထမပိုင်းအပြီး မက်ဒေါနား၊ BTS ၊ ဂျပ်စတင်ဘီဘာတို့ရဲ့ရှေ့မှောက်တွင် လေလံတင် ရောင်းချမယ့် ပစ္စည်းများကို ကြေညာလာပါမယ်။
ရှာကီရာဟာ ကမ္ဘာ့ဖလားဗိုလ်လုပွဲပထမပိုင်းအပြီးတင်လည်း ဖျော်ဖြေလာမှာ ဖြစ်ပြီး လေလံတင်လာမဲ့ ဝတ်စုံကိုပင် ဝတ်ဆင်ဖျော်ဖြေလာမယ်လို့ ယုံကြည်ရပါတယ်။
ကမ္ဘာ့ဖလားပြိုင်ပွဲတွင် အသုံးပြုခဲ့တဲ့ ဘောလုံးများကိုလည်း လေလံတင်လာပါမယ်။
ဖီဖာဟာ ယင်းလေလံပွဲမှာ ပေါင်သန်း ၁၀၀ အထိ ရရှိလာဖို့ မျှော်မှန်းထားပြီး ယင်းမှ အကျိုးအမြတ်များကို တစ်ကမ္ဘာ့လုံးမှာ ကလေးငယ်များရဲ့ ဘောလုံးနှင့် ပညာရေးမြှင့်တင်ရေးတို့အတွက် လှူဒါန်းမှု ပြုလုပ်သွားပါမယ်။
