ပရီးမီးယားလိဂ်တွင်သာ ဆက်ကစားမည်ဆိုပါက အသင်းဟောင်းကို ပထမဦးစားပေးအဖြစ် ရွေးချယ်ထားတဲ့ မိုဟာမက်ဆာလက်
=======================
မိုဟာမက်ဆာလက်ဟာ လီဗာပူးမှ ထွက်ခွာလာပြီးနောက် ပရီးမီးယားလိဂ်တွင်သာ ဆက်ကစာမည်ဆိုပါက အသင်းဟောင်းချဲလ်ဆီးသို့သာ ပြောင်းရွှေ့ကစားရန် ဆုံးဖြတ်ထားကြောင်း သိရပါတယ်။
လီဗာပူးဂန္ထဝင်မိုဟာမက်ဆာလက်ဟာ ပြီးခဲ့တဲ့ရာသီအကုန်မှာ လီဗာပူးနှင့် တစ်နှစ်ကျန်စာချုပ်အား ဖျက်သိမ်းကာ ထွက်ခွာလာခဲ့သူ ဖြစ်ပါတယ်။
ဆာလက်ဟာ ဆော်ဒီသို့ ပြောင်းရွှေ့ရေး ဆွေးနွေးမှုများ ပြုလုပ်နေပေမဲ့လည်း အနာဂတ်အား လွတ်လပ်စွာ ရွေးချယ်ပိုင်ခွင့် ရှိနေပါတယ်။
တူရကီထိပ်သီးကလပ်များဖြစ်ကြတဲ့ ဖီနာဘာချီနှင့် ဂါလာတာစာရေးတို့ကလည်း ဆာလက်အား ခေါ်ယူရေး စိတ်ဝင်စားနေကြပါသေးတယ်။
ဒါပေမဲ့ ဆာလက်ဟာ မည်သည့်နိုင်ငံသို့မှ မသွားဘဲ အင်္ဂလန်တွင်ပင် ဆက်နေရန် ရွေးချယ်လာပါက အသင်းဟောင်းချဲလ်ဆီးသို့ ပြောင်းရန်သာ စီစဉ်ထားကြောင်း သိရပါတယ်။
ဆာလက်ဟာ ၂၀၁၄ ခုနှစ်မှ ၂၀၁၆ ခုနှစ်အတွင်း ချဲလ်ဆီးတွင် ကစားခဲ့ပေမဲ့ ပြိုင်ပွဲအရပ်ရပ်တွင် ၁၉ ပွဲတည်းသာ ကစားခွင့်ရခဲ့ကာ ဖီအိုရင်တီးနား၊ ရိုးမားသို့ အငှားဖြင့် ပြောင်းရွှေ့ကစားပြီးနောက် အောင်မြင်မှု ရယူလာခဲ့သူ ဖြစ်ပါတယ်။
အီဂျစ်စူပါစတားဟာ ၂၀၁၇ ခုနှစ်တွင် လီဗာပူးသို့ ရောက်လာပြီးနောက် ပရီးမီးယားလိဂ်ဖလား ၂ ကြိမ်၊ ချန်ပီယံလိဂ် ၁ ကြိမ် ဆွတ်ခူးနိုင်ခဲ့ပါတယ်။
