ပါကစ္စတန်ကယ်ဆယ်ရေးအဖွဲ့များက ပင်လယ်အတွင်း ပျက်ကျသွားသည့် ကုန်တင်လေယာဉ်၏ အပျက်အစီးများကို ရှာဖွေတွေ့ရှိ
ပါကစ္စတန်ကယ်ဆယ်ရေးအဖွဲ့များက ပင်လယ်အတွင်း ပျက်ကျသွားသည့် Boeing ကုန်တင်လေယာဉ်၏ အပျက်အစီးများကို ဇူလိုင် ၈ ရက်တွင် ရှာဖွေတွေ့ရှိခဲ့ကြောင်း လေဆိပ်အာဏာပိုင်အဖွဲ့က ပြောကြားခဲ့ပြီး လေယာဉ်ပျောက်ဆုံးသွားချိန်တွင် လိုက်ပါသွားသည့် လေယာဉ်အဖွဲ့သား ငါးဦးကို ကယ်ဆယ်ရေးသမားများက ဆက်လက်ရှာဖွေနေဆဲဖြစ်ကြောင်း ပြောပြခဲ့သည်။
အဆိုပါ လေယာဉ်သည် ယူအေအီးနိုင်ငံ ရှာဂျာ မြို့မှ ကရာချီမြို့သို့ ဦးတည်ပျံသန်းလာစဉ် ဇူလိုင် ၇ ရက် ညနေပိုင်းက လမ်းကြောင်းပြစနစ်ဆိုင်ရာ ပြဿနာ ရှိနေကြောင်း သတင်းပို့ပြီးနောက် အရှိန်အဟုန်ဖြင့် အမြင့်ပေကျဆင်းသွားသည်ကို ရေဒါတွင် ပြသခဲ့ကြောင်း ပါကစ္စတန်လေဆိပ်အာဏာပိုင်အဖွဲ့ (PAA) က ဆိုသည်။
ပါကစ္စတန်ရေတပ်နှင့် ရေကြောင်းကယ်ဆယ်ရေးအေဂျင်စီတို့သည် ၁၂ နာရီကြာ ရှာဖွေပြီးနောက် ပျောက်ဆုံးကြောင်း ကြေညာခဲ့သည့် K2 Airways Cargo B737 လေယာဉ် ၏ အပျက်အစီးများကို အောင်မြင်စွာ ရှာဖွေတွေ့ရှိပြီး ခွဲခြားသတ်မှတ်နိုင်ခဲ့ကြောင်း PAA က X လူမှုကွန်ရက်ပေါ်တွင် ထုတ်ပြန်ခဲ့သည်။
