ဝေးလ်လက်ရွေးစင်ဝီလ်ဆင်အား အလွတ်ပြောင်းရွှေ့ကြေးဖြင့် လိဒ် ခေါ်ယူလာ
===================
လိဒ်အသင်းက ဝေးလ်လက်ရွေးစင်ကစားသမားဟယ်ရီဝီလ်ဆင်ကို အလွတ်ပြောင်းရွှေ့ကြေးဖြင့် ၄ နှစ်စာချုပ်ဖြင့် ခေါ်ယူလိုက်ပြီ ဖြစ်ကြောင်း ကြေညာလာပါတယ်။
အသက် ၂၉ နှစ်ရှိ အလယ်တန်းတိုက်စစ်သမားဟာ ဇွန်လအကုန်တွင် ဖူလ်ဟမ်နှင့်စာချုပ်သက်တမ်းကုန်ဆုံးပြီးနောက် ထွက်ခွာလာခဲ့သူ ဖြစ်ပါတယ်။
ဝီလ်ဆင်ဟာ ၂၀၂၂ ခုနှစ်တုန်းက လီဗာပူးမှ ဖူလ်ဟမ်သို့ ပေါင် ၁၂ သန်းဖြင့် ပြောင်းလာခဲ့သူ ဖြစ်ပြီး ပြီးခဲ့တဲ့ရာသီတုန်းက ၃၆ ပွဲကစားရာတွင် ၁၀ ဂိုးအထိ သွင်းနိုင်ခဲ့ကာ အကောင်းဆုံးရာသီတစ်ခု ပိုင်ဆိုင်ခဲ့သူလည်း ဖြစ်ပါတယ်။
ဝေးလ်အတွက် ၆၉ ပွဲကစားထားတဲ့ ဝီလ်ဆင်ဟာ ယခုနွေရာသီတွင် လိဒ်ရဲ့ ပထမဆုံးခေါ်ယူအားဖြည့်ခြင်းခံလာသူလည်း ဖြစ်ပါတယ်။
လိဒ်ဟာ ဆောက်သမ်တန်အလယ်တန်းကစားသမားရှီယာချားလ်၊ ဒေါ့မွန်မှ ထွက်ခွာလာတဲ့ ဂျာမန်အလယ်တန်းကစားသမားဂျူလီယန်ဘရန့်တို့ကိုလည်း ခေါ်ယူရေး ကြိုးပမ်းနေပါတယ်။ S
