ကမ္ဘာ့ဖလားမှ ထွက်ခွာရပြီးနောက် နာဂျယ်မန်း နုတ်ထွက်လာမှုနှင့်အတူ ဂျာမနီနည်းပြသစ်ဖြစ်လာဖို့ ရှိနေတဲ့ ဂျာဂင်ကလော့ပ်
======================
ဂျာဂင်ကလော့ပ်ဟာ ဂျူလီယန်နာဂျယ်မန်းရဲ့ ဂျာမနီနည်းပြရာထူးကို ဆက်ခံလာဖို့ ရှိနေပြီ ဖြစ်ပါတယ်။
နာဂျယ်မန်းဟာ ကမ္ဘာ့ဖလားပြိုင်ပွဲမှ ထွက်ခွာခဲ့ရပြီးနောက် ရာထူးမှ နုတ်ထွက်လိုက်ပြီ ဖြစ်ပါတယ်။
လီဗာပူးနည်းပြဟောင်းဟာ ဂျာမနီဘောလုံးအဖွဲ့ချုပ်က နည်းပြသစ်အဖြစ် ခန့်အပ်ရေး ဆက်သွယ်လာပါက လက်ခံလာမှာ ဖြစ်ကြောင်း သိရပါတယ်။
ဂျာမနီဟာ ယခုအပတ်အစောပိုင်းတုန်းက ပါရာဂွေးကို ပင်နယ်တီအဆုံးအဖြတ်ဖြင့် ရှုံးနိမ့်ကာ ကမ္ဘာဖလား ၃၂ သင်း ရှုံးထွက်အဆင့်မှ ထွက်ခဲ့ရပါတယ်။
ဂျာမနီအသင်းဟာ ကမ္ဘာ့ဖလားပြိုင်ပွဲသမိုင်းတွင် ပထမဆုံးအကြိမ်ဖြင် ပင်နယ်တီအဆုံးအဖြတ်တွင် ရှုံးနိမ်ကာ ထွက်ခဲ့ရတာလည်း ဖြစ်ပါတယ်။
ကြာသပတေးနေ့မှာတော့ ဂျာမနီဘောလုံးအဖွဲ့ချုပ်က နာဂျယ်မန်းအား ရာထူးမှ နုတ်ထွက်ရန် သို့မဟုတ် မနုတ်ထွက်ပါက ထုတ်ပယ်ခံရမယ်လို့ အသိပေးလာပါတယ်။
Bild ရဲ့ဖော်ပြလာမှုအရ ဖရန့်ဖတ်ရှိ ဂျာမနီဘောလုံးအဖွဲ့ချုပ်ရုံးခန်းတွင် သုံးနာရီကြာ လျို့ဝှက် ဆွေးနွေးမှုများ ပြုလုပ်ပြီးချိန်မှာတော့ နာဂျယ်မန်းဘက်က နုတ်ထွက်ရန် ဆုံးဖြတ်လာကြောင်း သိရပါတယ်။
နာဂျယ်မန်းဟာ ဂျာမနီနည်းပြရာထူးမှ နုတ်ထွက်လာခဲ့ခြင်းဖြစ်ပေမဲ့လည်း နစ်နာကြေး ပေါင် ၅ သန်း ဝန်းကျင် ရရှိလာပါမယ်။
ကလော့ပ်ဟာ ၂၀၂၄ ခုနှစ်နွေရာသီတွင် လီဗာပူးနည်းပြရာထူးမှ ထွက်ခွာလာပြီးနောက် ဂျာမနီအသင်းရဲ့ အနာဂတ်နည်းပြအဖြစ် သတ်မှတ်ခြင်းခံလာရသူလည်း ဖြစ်ပါတယ်။
လက်ရှိအချိန်တွင် သူဟာ ရက်ဘူးလ်ရဲ့ ဘောလုံးအကြီးအကဲအဖြစ် တာဝန်ထမ်းဆောင်နေသလို ကမ္ဘာ့ဖလားပြိုင်ပွဲတွင်လည်း ဂျာမန်ရုပ်သံလိုင်း Magenta တွင် ဝေဖန်သုံးသပ်သူအဖြစ် တာဝန်ထမ်းဆောင်နေပါတယ်။
