ကွင်းအတွင်း ပရိသတ် ဝင်ရောက်မှုကြောင့် လုံခြုံရေးများ ဖမ်းဆီးရမှုနှင့်အတူ ဘယ်လ်ဂျီယံနှင့် ဆီနီဂေါပွဲ ရပ်ဆိုင်းခဲ့ရ
=======================
ဘယ်လ်ဂျီယံက ဆီနီဂေါကို အနိုင်ရတဲ့ ကမ္ဘာ့ဖလား ၃၂ သင်း ရှုံးထွက်အဆင့်ပွဲစဉ်အတွင်းတွင် ကွင်းအတွင်း ပရိသတ် ဝင်ရောက်မှုကြောင့် ပွဲကို ရပ်ဆိုင်းခဲ့ရပါတယ်။
အဆိုပါပွဲစဉ်ရဲ့ ပွဲချိန် ၃၂ မိနစ်တွင် ပရိသတ် ၃ ဦးတို့ ကွင်းအတွင်း ဝင်ရောက်ကာ ပြေးလွှားမှု ပြုလုပ်ခဲ့ကြပါတယ်။
ကွင်းအတွင်း ပရိသတ်များ ကျူးကျော်ဝင်ရောက်လာချိန်တွင် ဒိုင်လူကြီးဆိုက်ဒ်မာတီနက်ဇ်ဟာ ပွဲကို ချက်ချင်းဆိုသလို ရပ်ဆိုင်းခဲ့ပါတယ်။
ကွင်းလုံခြုံရေးဝန်ထမ်းများကလည်း ယင်းကွင်းအတွင်း ကျူးကျော်ဝင်ရောက်သူများကို ပြေးလွှားဖမ်းဆီးထိန်းသိမ်းနိုင်ခဲ့ကြပါတယ်။
ကွင်းအတွင်း ကျူးကျော်ဝင်ရောက်တဲ့ ပရိသတ် ၃ ဦးထဲမှ တစ်ဦးမှာ ဆိုရှယ်မီဒီယာစတားဂျိုရှာခရာချန်ကိုဆိုသူ ဖြစ်ပါတယ်။ သူဟာ ယင်းပွဲမတိုင်မီ ကွင်းအတွင်းတွင် ရှိနေစဉ်ကတည်းက အင်စတာဂရမ်တွင် ဓာတ်ပုံနှင့် ဗီဒီယိုများ တင်ခဲ့သူလည်း ဖြစ်ပါတယ်။
ဘယ်လ်ဂျီယံဟာ ဆီနီဂေါကို ပွဲချိန်အတွင်း ၂ ဂိုးစီသရေကျပြီးနောက် အချိန်ပို ၁၂၅ မိနစ်တွင် တီလီမန်းရဲ့ ပင်နယ်တီဂိုးဖြင့် ၃-၂ ဖြင့် အနိုင်ရရှိခဲ့ပါတယ်။
ဗီလာကွင်းလယ်ကစားသမားတီလီမန်းဟာ ယင်းဂိုးဖြင့် ကမ္ဘာ့ဖလားသမိုင်းတွင် နော်ကအကျဆုံးဂိုးအား သွင်းယူနိုင်သူအဖြစ် သမိုင်းမှတ်တိုင်စိုက်ထူလာပါတယ်။
