ကိုဗင်ထရီနှင့် ၂၀၂၉ ခုနှစ်အထိ စာချုပ်သစ်ချုပ်ဆိုလာတဲ့ နည်းပြဖရန့်လမ်းပတ်
====================
ဖရန့်လမ်းပတ်ဟာ ကိုဗင်ထရီကို ၂၀၂၉ ခုနှစ်အထိ ကိုင်တွယ်နိုင်မဲ့ စာချုပ်သစ်အား ချုပ်ဆိုလာပါတယ်။
အသက် ၄၈ နှစ်ရှိ ချဲလ်ဆီးဂန္ထဝင်ကစားသမားဟာ ပြီးခဲ့တဲ့ရာသီတုန်းက ကိုဗင်ထရီကို ချန်ပီယံရှစ်ချန်ပီယံအဖြစ် ပရီးမီးယားလိဂ်သို့ တန်းတက်နိုင်အောင် ဦးဆောင်ထားနိုင်သူ ဖြစ်ပါတယ်။
သူ့ရဲ့ ယခင်စာချုပ်မှာ လာမဲ့နှစ်တွင် ကုန်ဆုံးမှာ ဖြစ်ပြီး ဖူလ်ဟမ်အပါအဝင် ပရီးမီးယားလိဂ်ကလပ်များရဲ့ စိတ်ဝင်စားခြင်းခံခဲ့ရသူလည်း ဖြစ်ပါတယ်။
ဒါပေမဲ့ ယခုအခါမှာတော့ အဲဗာတန်နှင့် ချဲလ်ဆီးနည်းပြဟောင်းဟာ ကိုဗင်ထရီနှင့် ၂၀၂၉ ခုနှစ်အထိ စာချုပ်သစ်ချုပ်ဆိုလာပြီ ဖြစ်ပါတယ်။
၂၅ နှစ်အတွင်း ပထမဆုံးအကြိမ် ပရီးမီးယားလိဂ်တက်ခွင့်ရထားတဲ့ ကိုဗင်ထရီဟာ ဩဂုတ်လ ၂၁ ရက်နေ့တွင် ပရီးမီးယားလိဂ်အဖွင့်ပွဲအဖြစ် ချန်ပီယံ အာဆင်နယ်နှင့် ကစားရပါမယ်။
လမ်းပတ်ဟာ ၂၀၂၄ ခုနှစ် နိုဝင်ဘာလတုန်းက မတ်ရော်ဘင်နေရာမှာ အစားထိုးခန့်အပ်ခံရစဉ်တုန်းက ကိုဗင်ထရီမှာ တန်းဆင်းဇုန်နှင့် ၂ မှတ်အကွာ အဆင့် ၁၇ နေရာမှာ ရပ်တည်နေတာပါ။
ဒါပေမဲ့ လမ်းပတ်ဦးဆောင်မှုနှင့်အတူ ကိုဗင်ထရီဟာ လက်ကျန် ၂၉ ပွဲတွင် ၁၆ ပွဲ နိုင်ပွဲ ရရှိပြီး အဆင့် ၅ နေရာဖြင့် ရာသီသိမ်းကာ ပလေးအော့ဖ်ကစားခွင့်ရခဲ့ပါတယ်။ ဒါပေမဲ့ ကိုဗင်ထရီဟာ ပလေးအော့ဖ်တွင် ဆန်းဒါးလန်းကို ၃-၂ ဖြင့် ရှုံးနိမ့်ခဲ့ပါတယ်။
လမ်းပတ်ဟာ ပြီးခဲ့တဲ့ရာသီမှာတော့ ကိုဗင်ထရီကို ချန်ပီယံရှစ်တွင် နိုင်ပွဲ ၂၈ ပွဲအထိ ရယူပြီး ၂၅ နှစ်အတွင်း ပထမဆုံးအကြိမ် ပရီးမီးယားလိဂ်သို့ တန်းတက်နိုင်အောင် ဦးဆောင်နိုင်ခဲ့ပါတယ်။
အင်္ဂလန်လက်ရွေးစင်ဟောင်းဟာ ဒါဘီကောင်တီတွင် နည်းပြဘဝစတင်ပြီးနောက် ချဲလ်ဆီး(၂ ကြိမ်)၊ အဲဗာတန်ုတိ့အား ကိုင်တွယ်ခဲ့ဖူးပါတယ်။
