စပိန်ရဲ့ ၃၂ သင်း ရှုံးထွက်အဆင့်ပွဲစဉ်အား လွဲချော်စေမဲ့ ဘောလုံးဖျက်ထုတ်မှု ပြုလုပ်သူအား နီကိုဝီလီယမ်အပြင်းအထန် ဝေဖန်လာ
====================
နီကိုဝီလီယမ်ဟာ သူ့အား စပိန်ရဲ့ ကမ္ဘာ့ဖလား ၃၂ သင်း ရှုံးထွက်အဆင့်ပွဲစဉ်အား လွဲချော်စေမဲ့ ဘောလုံးဖျက်ထုတ်မှု ပြုလုပ်ခဲ့တဲ့ ဥရုဂွေးရဲ့နီကိုလာဒီလာခရုဇ်အား မလိုအပ်ဘဲ ဘောလုံးဖျက်ထုတ်မှု ပြုလုပ်ခဲ့ကြောင်း အပြစ်တင်သွားပါတယ်။
ဝီလီယမ်ဟာ ဥရုဂွေးအား ၁-၀ ဂိုးဖြင့် အနိုင်ရတဲ့ပွဲစဉ်တွင် ကြွက်သားဒဏ်ရာရရှိလာခဲ့တာလည်း ဖြစ်ပါတယ်။ ဥရုဂွေးဟာ စပိန်ရှုံးပွဲကြောင့် ကမ္ဘာ့ဖလားအုပ်စုအဆင့်မှ ထွက်ခဲ့ရပါတယ်။
ဒီလာခရုဇ်ဟာ အချိန်ပိုတွင် နီကိုဝီလီယမ်အား ဘောလုံးဖျက်ထုတ်မှုအတွက် အဝါကတ်ပြသခြင်းခံခဲ့ရသလို ကစားဖော်အေဂပ်စ်တင်ကာနော့ဘီမှာလည်း တိုက်ရိုက်အနီကတ်ပြထုတ်ပယ်ခြင်းခံခဲ့ရပါတယ်။
အသက် ၂၃ နှစ်ရှိ နီကိုဝီလီယမ်ဟာ ပြီးခဲ့တဲ့ရာသီတုန်းက ဘီလ်ဘာအိုတွင် ကစားစဉ် ဒဏ်ရာပြဿနာနှင့် ကြုံခဲ့သူဖြစ်ပြီး စပိန်ရဲ့ ကမ္ဘာ့ဖလားအုပ်စု ၃ ပွဲလုံးအား အရန်အဖြစ်သာ ဝင်ရောက်ကစားနိုင်ခဲ့သူလည်း ဖြစ်ပါတယ်။
၎င်းက "ဒီ့ကနေ့ ကျွန်တော့်ဘဝရဲ့အဆိုးရွားဆုံးနေ့တွေထဲက တစ်ခုပါ။ ခက်ခဲတဲ့ နှစ်တစ်နှစ်ကြုံပြီးတဲ့နောက် နောက်ထပ် ဒဏ်ရာထပ်ရလာပြန်ပြီ။ မနေ့တုန်းက ဘဝတူ ပရော်ဖက်ရှင်နယ်တစ်ဦးရဲ့ သူဖြတ်သန်းရဲ့ အခြေအနေကြောင့် စိတ်ပျက်မှု၊ မပျော်ရွှင်မှု၊ စိတ်မကောင်းမှုတို့အတွက် လုပ်ဆောင်ခဲ့တဲ့ အပြုအမူအတွက် ဒဏ်ရာသစ် ရလာတာပါ။ ကျွန်တော့်အမြင်ပြောရရင် ဒါက ဖြစ်သင့်တာ မဟုတ်ပါဘူး။ မလိုအပ်ဘဲ ဖျက်ထုတ်ခဲ့တာပါ။ ဒါပေမဲ့ ဒါက ကျွန်တော့်ကို တားနိုင်မှာ မဟုတ်ပါဘူး"လို့ ပြောကြားသွားပါတယ်။
စပိန်ဘောလုံးအဖွဲ့ချုပ်က နီကိုဝီလီယမ်ရဲ့ ဒဏ်ရာမှာ အသေးစားဒဏ်ရာသာ ဖြစ်ပြီး ကမ္ဘာ့ဖလားပြိုင်ပွဲနောက်ပိုင်းပွဲများတွင် ပါဝင်ကစားနိုင်သေးကြောင်း အတည်ပြုထားပါတယ်။
