၂၀၂၆ ခုနှစ် တိုင်းနှင့် ပြည်နယ် ရေကူးပြိုင်ပွဲ စတင်ကျင်းပ
၂၀၂၆ ခုနှစ် တိုင်းနှင့် ပြည်နယ် ရေကူးပြိုင်ပွဲကို ယနေ့ ဇွန် ၂၄ ရက်တွင် ရန်ကုန်မြို့ရှိ အမျိုးသားရေကူးကန် (ဦးဝိစာရ) ၌ စတင်ကျင်းပခဲ့ကြောင်း သိရသည်။
ဖွင့်ပွဲအခမ်းအနားသို့ မြန်မာနိုင်ငံအမျိုးသားလူ့အခွင့်အရေးကော်မရှင် ဥက္ကဋ္ဌ ဦးသစ်လင်းအုန်းနှင့် တာဝန်ရှိသူများ တက်ရောက်ခဲ့ကြသည်။
အဆိုပါ ပြိုင်ပွဲကို ဇွန် ၂၄ ရက်မှ ၂၅ ရက်အထိ နှစ်ရက်ကြာ ကျင်းပမည်ဖြစ်ပြီး တိုင်းဒေသကြီးနှင့် ပြည်နယ်အသီးသီးမှ ရေကူးအားကစားသမားများ ဝင်ရောက်ယှဉ်ပြိုင်လျက်ရှိကြောင်း သိရသည်။
ပြိုင်ပွဲမတိုင်မီ ဇွန် ၂၃ ရက် နံနက်ပိုင်းက ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်ဦးသည် သင်္ဃန်းကျွန်းမြို့နယ်ရှိ အမျိုးသားအားကစားပြိုင်ပွဲရုံ (၁) ၌ ပြိုင်ပွဲဝင် တိုင်းဒေသကြီးနှင့် ပြည်နယ်အသီးသီးမှ အားကစားသမားများအား ကြိုဆိုဂုဏ်ပြုတွေ့ဆုံခဲ့ကြောင်း သိရသည်။
ယင်းပြိုင်ပွဲသည် ရေကူးအားကစား အရည်အသွေးမြင့်မားလာစေရေး၊ မျိုးဆက်သစ် ရေကူးအားကစားသမားများ ပေါ်ထွန်းလာစေရေးနှင့် တိုင်းဒေသကြီးနှင့် ပြည်နယ်များအကြား အားကစားဖလှယ်မှုနှင့် ချစ်ကြည်ရင်းနှီးမှု မြှင့်တင်နိုင်ရေးကို ရည်ရွယ်ကျင်းပခြင်းဖြစ်ကြောင်း သိရသည်။
