ပြည်တွင်းဖလား ၂ လုံးလုံး ရယူပေးခဲ့တဲ့ နည်းပြချီဗူးကို စာချုပ်သက်တမ်းတိုးချုပ်ဆိုလာတဲ့ အင်တာမီလန်
==================
အင်တာမီလန်က နည်းပြချုပ်ခရစ္စတီယန်ချီဗူးကို အသင်းတွင် ၂၀၂၈ ခုနှစ် အထိ ထိန်းထားနိုင်မဲ့ စာချုပ်အား သက်တမ်းတိုးချုပ်ဆိုလိုက်ပြီ ဖြစ်ကြောင်း ကြေညာလာပါတယ်။
အင်တာမီလန်နည်းပြဟောင်းဟာ အင်တာမီလန်ကို ကိုင်တွယ်တဲ့ ပထမဆုံးရာသီတွင်ပင် စီးရီးအေဖလားနှင့် ကိုပါအီတာလီယာဖလားတို့ကို ရယူကာ ကြီးကျယ်တဲ့ ရာသီတစ်ခု ပိုင်အောင် ဦးဆောင်ပေးနိုင်ခဲ့သူ ဖြစ်ပါတယ်။
အင်တာမီလန်ဟာ ကြီးကျယ်တဲ့ ရာသီတစ်ခု ပိုင်ဆိုင်ပြီးချိန်မှာတော့ ချီဗူးရဲ့ အနာဂတ်နှင့်ပတ်သက်ပြီး စိုးရိမ်စရာမရှိရအောင် စာချုပ်သက်တမ်းတိုးမှု ချက်ချင်း ပြုလုပ်လာတာလည်း ဖြစ်ပါတယ်။
ရိုးမေးနီးယားနည်းပြဟာ ၂၀၁၉ ခုနှစ်တွင် ယူအီးအက်ဖ်အေပရိုလိုင်စင် ရရှိပြီးနောက် ၂၀၂၁ ခုနှစ်တွင် အင်တာမီလန်လူငယ်အသင်းအား စတင်ကိုင်တွယ်ခဲ့ပါတယ်။
ယင်းနောက် သူဟာ ၂၀၂၅ ခုနှစ်၊ ဖေဖော်ဝါရီလတွင် ပါးမားနည်းပြသစ်အဖြစ် ခန့်အပ်ခြင်းခံခဲ့ရပြီး စီးရီးအေတွင် ဆက်လက် ရပ်တည်နိုင်အောင် ဦးဆောင်ပေးနိုင်ခဲ့ပါတယ်။
ယင်းနောက် နွေရာသီတွင် သူဟာ အင်တာမီလန်နည်းပြသစ်အဖြစ် ခန့်အပ်ခြင်းခံခဲ့ရပါတော့တယ်။ သူဟာ အင်တာမီလန်ကို ချန်ပီယံလိဂ်တွင် ရှုံးထွက်အဆင့်သို့သာ ပို့ဆောင်ပေးနိုင်ခဲ့ပေမဲ့ ပြည်တွင်းဖလား ၂ လုံးလုံး ရရှိအောင် ဦးဆောင်ပေးနိုင်ခဲ့ပါတယ်။
အင်တာမီလန်ဟာ ၂၀၀၉-၁၀ ရာသီနောက်ပိုင်း ပထမဆုံးအကြိမ်အဖြစ် ပြည်တွင်းဖလား ၂ လုံးလုံးအား ရယူနိုင်ခဲ့တာလည်း ဖြစ်ပါတယ်။
