ပထမဆုံးကမ္ဘာ့ဖလားပွဲတွင် ကွဲပြားတဲ့ အမည်နှင့် ကစားကာ ၂ ဂိုးသွင်းခဲ့တဲ့ အာလင်းဟာလန်း
==================
အာလင်းဟာလန်းဟာ မနေ့ညတုန်းက အီရတ်နှင့် ကစားတဲ့ ပထမဆုံးကမ္ဘာ့ဖလားပွဲစဉ်တွင် ကွဲပြားတဲ့ အမည်ဖြင့် ကစားကာ တစ်ကမ္ဘာလုံးကို အံ့ဩသင့်စေခဲ့ပါတယ်။
မန်စီးတီးတိုက်စစ်မှူးဟာ အင်္ဂါနေ့ညတုန်းက သူ့ရဲ့ ပထမဆုံးကမ္ဘာ့ဖလားပွဲအဖြစ် နော်ဝေအသင်းရဲ့ တိုက်စစ်ကို ဦးဆောင်ကစားသွားခဲ့ပါတယ်။
ဒါပေမဲ့ အာလင်းဟာလန်းဟာ ကွဲပြားတဲ့အမည်ကို အသုံးပြုကာ ကစားလာတာ တွေ့ရပါတယ်။
သူဟာ ဟာလန်းဆိုတဲ့အမည်အပြင် ကျောဘက်တွင် “Braut Haaland” ဆိုတဲ့ အမည်ကို အသုံးပြုသွားခဲ့တာလည်း ဖြစ်ပါတယ်။
အာလင်းဟာလန်းဟာ မိခင်ဖြစ်သူ Gry Marita Braut ကို ဂုဏ်ပြုသောအားဖြင့် “Braut Haaland” ဆိုတဲ့အမည်ကို အသုံးပြုကာ ကမ္ဘာ့ဖလားမှာ ကစားလာတာလည်း ဖြစ်ပါတယ်။
တဖက်တွင် အာလင်းဟာလန်းရဲ့ အမည်အပြည်အစုံက Erling Braut Haaland ဖြစ်ရာ သူ့အနေဖြင့် “Braut Haaland”ဆိုတဲ့အမည်ကို တရားဝင် အသုံးပြုနိုင်ပါတယ်။
အာလင်းဟာလန်းဟာ အမည်သစ်ဖြင့် နော်ဝေအတွက် ပထမဆုံးကမ္ဘာ့ဖလားပွဲ ကစားခဲ့ရာ အီရတ်ကို ၄-၁ ဖြင့် အနိုင်ရရှိအောင် ၂ ဂိုးသွင်းပြီး ကူညီပေးနိုင်ခဲ့ပါတယ်။
