အမေရိကန်နဲ့ အီရန် စစ်ဆင်ရေးတွေ ရပ်ဖို့ သဘောတူညီချက်ရပြီ

အမေရိကန်နဲ့ အီရန်တို့ဟာ လက်ရှိဖြစ်ပွားနေတဲ့ စစ်ရေးလှုပ်ရှားမှုတွေကို အဆုံးသတ်ဖို့ သဘောတူညီမှု ရရှိခဲ့ပြီလို့ ကြေညာလိုက်ပါတယ်။ ဒေါ်နယ်ထရမ့်ကလည်း ဒီသဘောတူညီချက်နဲ့ ပတ်သက်ပြီး "ရေနံတွေ စီးဆင်းခွင့်ပေးလိုက်တော့!" ဆိုပြီး ပြောဆိုခဲ့ပါတယ်။
​ပါကစ္စတန်ဝန်ကြီးချုပ်က အရင်ဆုံး စပြောတာ
ပါကစ္စတန်ဝန်ကြီးချုပ် ရှာဘတ်ဇ် ရှရစ်ဖ် (Shehbaz Sharif) က အမေရိကန်နဲ့ အီရန်ကြား ငြိမ်းချမ်းရေး သဘောတူညီချက် ရသွားပြီလို့ အတည်ပြုပြောကြားခဲ့ပါတယ်။ ဒီသဘောတူညီချက်အရ လက်ဘနွန်နိုင်ငံ အပါအဝင် ရှေ့တန်းမျက်နှာစာ အားလုံးမှာ ရှိနေတဲ့ "စစ်ရေးစစ်ဆင်ရေးတွေ အားလုံး" ပြီးဆုံးသွားမယ်လို့ ဆိုပါတယ်။
​သောကြာနေ့ကျရင် ဆွတ်ဇာလန်မှာ လက်မှတ်ထိုးမယ်
ဒီငြိမ်းချမ်းရေးစာချုပ်ကို လာမယ့် သောကြာနေ့ကျရင် ဆွတ်ဇာလန်နိုင်ငံမှာ တရားဝင် လက်မှတ်ရေးထိုးကြမှာ ဖြစ်ပါတယ်။ ဒါပေမဲ့ စာချုပ်ထဲမှာ ဘာတွေပါလဲ၊ ဘာတွေ ချန်လှပ်ထားခဲ့လဲဆိုတဲ့ အသေးစိတ် အချက်အလက်တွေကတော့ အခုထိ တဖြည်းဖြည်းချင်းပဲ ထွက်ပေါ်လာနေတုန်း ဖြစ်ပါတယ်။
​ဒေါ်နယ်ထရမ့်အတွက် ၈၀ ပြည့် မွေးနေ့လက်ဆောင်
သောကြာနေ့မှာ စာချုပ်လက်မှတ်ထိုးပြီးတာနဲ့ "ရေနံတွေ ပြန်စီးဆင်းတော့မယ်" လို့ ဒေါ်နယ်ထရမ့်က ပြောပါတယ်။ ဒီကြေညာချက်ဟာ သက်တမ်းတစ်လျှောက် ထူးခြားတဲ့ သတင်းတစ်ခုဖြစ်ပြီး သမ္မတ ထရမ့်ရဲ့ အသက် ၈၀ ပြည့် မွေးနေ့အတွက် အလွန်ဝမ်းသာစရာကောင်းတဲ့ မွေးနေ့လက်ဆောင်တစ်ခု ဖြစ်ခဲ့တယ်လို့ သတင်းထောက်တွေက သုံးသပ်ထားကြပါတယ်။ ဒါပေမဲ့ လက်ရှိအချိန်အထိတော့ အသေးစိတ် အချက်အလက်တွေက တော်တော်လေး နည်းပါးနေပါသေးတယ်။
​အီရန်ဘက်ကလည်း အတည်ပြုတယ်
အီရန်နိုင်ငံရဲ့ ဒုတိယနိုင်ငံခြားရေးဝန်ကြီးကလည်း သူတို့နိုင်ငံပိုင် ရုပ်မြင်သံကြားကနေတစ်ဆင့် ဒီငြိမ်းချမ်းရေး သဘောတူညီချက်ဟာ အပြီးသတ် အောင်မြင်သွားပြီဖြစ်ကြောင်း အတည်ပြု ပြောကြားခဲ့ပါတယ်။
​လက်ဘနွန်အတွက် တကယ်ရော ငြိမ်းချမ်းသွားမှာလားဆိုတာက‌တော့မသေချာသေးဘူး
အခု သဘောတူညီချက်ကြောင့် လက်ဘနွန်နိုင်ငံမှာ စစ်ပွဲတွေ တကယ်ပဲ ခေတ္တနားသွားနိုင်မလားဆိုတာကတော့ ရှင်းရှင်းလင်းလင်း မရှိသေးပါဘူး။ ဘာလို့လဲဆိုတော့ ပြီးခဲ့တဲ့ သီတင်းပတ်တွေတုန်းကလည်း အပစ်အခတ်ရပ်စဲရေး ၂ ကြိမ်တိုင်တိုင် လုပ်ခဲ့ပေမဲ့ မအောင်မြင်ဘဲ ပျက်ပြားခဲ့ဖူးလို့ပါပဲ။