ဘာနေဗျူးတကျော့ပြန်ခရီးတွင် ပထမဆုံးခေါ်ယူမှုအဖြစ် ဆေးလ်ဗားအား ခေါ်ယူရန် မော်ရင်ဟို သဘောတူညီမှု ရရှိလာ
====================
ရီးရဲလ်မက်ဒရစ်ဟာ ဘာနာဒိုဆေးလ်ဗားအား ခေါ်ယူရန် သဘောတူညီမှု ရရှိလာမှုနှင့်အတူ ဘာနေဗျူးသို့ တကျော့ပြန်ရောက်လာတဲ့ ဂျိုဆေးမော်ရင်ဟိုအနေဖြင့် ပထမဆုံးကစားသမား ခေါ်ယူရန် အနီးစပ်ဆုံးအနေအထားသို့ ရောက်လာပြီ ဖြစ်ပါတယ်။
ရီးရဲလ်မက်ဒရစ်ဟာ မန်စီးတီးအသင်းခေါင်းဆောင်ဟောင်းအား ၁၂ လသက်တမ်းတိုးနိုင်မဲ့အချက်ပါ ၂ နှစ်စာချုပ်ဖြင့် ခေါ်ယူရန် သဘောတူညီမှု ရရှိလာတာလည်း ဖြစ်ပါတယ်။
ရီးရဲလ်မက်ဒရစ်ဟာ ဘာနာဒိုဆေးလ်ဗားအား ခေါ်ယူရေး ၃၆ နာရီအကြာသာ ဆွေးနွေးမှု ပြုလုပ်ပြီးနောက် သဘောတူညီမှု ရရှိလာတာလည်း ဖြစ်ပါတယ်။
ပေါ်တူဂီလက်ရွေးစင်အလယ်တန်းကစားသမားဟာ ယခုလအကုန်တွင် ကိုးနှစ်ကြာ ကစားလာတဲ့ မန်စီးတီးနှင့် စာချုပ်သက်တမ်းကုန်ဆုံးကာ ထွက်ခွာလာမှာလည်း ဖြစ်ပါတယ်။
ဆေးလ်ဗားဟာ အစောပိုင်းတုန်းက ဘာစီလိုနာသို့ ပြောင်းမယ်လို့ သတင်းများ ကျယ်ပြန့်စွာ ထွက်ပေါ်လာပြီးမှ ရီးရဲလ်မက်ဒရစ်သို့ ပြောင်းရန် သဘောတူညီမှု ရရှိလာတာလည်း ဖြစ်ပါတယ်။
ဆေးလ်ဗားဟာ မန်စီးတီးနှင့်အတူ ပရီးမီးယားလိဂ်ဖလား ၆ ကြိမ်၊ ချန်ပီယံလိဂ် ၁ ကြိမ် ဆွတ်ခူးခဲ့သူ ဖြစ်ပြီး မန်စီးတီးအတွက် ဂိုးနှင့် ဖန်တီးမှု ၁၅၃ ကြိမ် ပြုလုပ်ပေးခဲ့ပါတယ်။
