အင်္ဂလန်အသင်းရဲ့ လေ့ကျင့်ရေးပစ္စည်းများ အခိုးခံရ
===================
အင်္ဂလန်အသင်းဟာ စနေနေ့ ကန်ဆက်စ်စီးတီးသို့ မရောက်မီမှာပင် လေ့ကျင့်ရေးပစ္စည်းများ အခိုးခံရမှုနှင့် ကြုံတွေ့လာရပါတယ်။
အင်္ဂလန်အသင်းရဲ့ ဘောလုံးများ၊ ဖိနပ်များအပါအဝင် လေ့ကျင့်ရေးပစ္စည်းများကို မော်တော်ယာဉ်များဖြင့် ကန်ဆက်စ်စီးတီးရှိ Swope Soccer Village အခြေစိုက်စခန်းသို့ ပို့ဆောင်ပေးခဲ့ပြီးနောက် လုံခြုံရေး ကျိုးပေါက်ကာ အခိုးခံခဲ့ရတာလည်း ဖြစ်ပါတယ်။
အက်ဖ်အေဟာ စနေနေ့ နေ့လည်ပိုင်းတွင် အင်္ဂလန်အသင်း မရောက်မီကတည်းက လေ့ကျင့်ရေးပစ္စည်းများအား အသင်းအခြေစိုက်ရာ လေ့ကျင့်ရေးစခန်းသို့ စောစောစီးစီး ပို့ဆောင်ထားခဲ့တာပါ။
ရဲတပ်ဖွဲ့ဝင်များဟာ သောကြာနေ့ညတုန်းက အက်ဖ်အေနှင့် ဆက်သွယ်မှုများ ပြုလုပ်ကာ လေ့ကျင့်ရေပစ္စည်းအခိုးခံရမှုအား စုံစမ်းစစ်ဆေးမှုများ ပြုလုပ်နေပါတယ်။
အင်္ဂလန်အသင်းလေ့ကျင့်ရေးပစ္စည်းအခိုးခံရမှုနှင့်ပတ်သက်ပြီး သံသယရှိသူ နှစ်ဦးကို ဖမ်းဆီးထိန်းသိမ်းမှု ပြုလုပ်ထားကြောင်းလည်း သိရပါတယ်။
ယခုကဲ့သို့ လေ့ကျင့်ရေးပစ္စည်းများ အခိုးခံရမှုက ဗုဒ္ဓဟူးနေ့ ခရိုအေးရှားနှင့် ကစားမဲ့ ကမ္ဘာ့ဖလားအုပ်စုအဖွင့်ပွဲစဉ်အတွက် လုပ်ဆောင်နေတဲ့ အင်္ဂလန်ရဲ့ ပြင်ဆင်မှုအပေါ် အနည်းနှင့် အများဆိုသလို ထိခိုက်စေလျက်ရှိပါတယ်။
အင်္ဂလန်ကစားသမားများဟာ တနင်္ဂနွေနေ့တွင်မှ Swope Soccer Village တွင် လေ့ကျင့်ခန်း အပြည့်အဝ လုပ်ဆောင်လာကြပါမယ်။
