ဆေ့ဂျ်ကို နည်းပြသစ်အဖြစ် ခန့်အပ်ရေး ခရစ္စတယ်ပဲလေ့စ် အပြီးသတ် လုပ်ဆောင်နေ
====================

ခရစ္စတယ်ပဲလေ့စ်ဟာ လန့်စ်နည်းပြပီယာရီ‌ဆေ့ဂျ်ကို နည်းပြသစ်အဖြစ် ခန့်အပ်ရေး အပြီးသတ် လုပ်ဆောင်နေပြီ ဖြစ်ပါတယ်။
ခရစ္စတယ်ပဲလေ့စ်ဟာ ပြီးခဲ့တဲ့ရာသီအကုန်တွင် အသင်းမှ ထွက်ခွာသွားတဲ့ အိုလီဗာဂလပ်စ်နာနေရာတွင် အစားထိုးခန့်အပ်ရန် အသက် ၄၇ နှစ်ရှိ ပြင်သစ်နည်းပြနှင့် ဆွေးနွေးနေခဲ့တာပါ။
ယခုအခါ ပဲလေ့စ်နှင့် ဆေ့ဂျ်တို့အကြား လုပ်ခနှင့်ပတ်သက်ပြီး အပြီးသတ် ဆွေးနွေးမှုအပိုင်းသို့ ရောက်နေပြီ ဖြစ်ပါတယ်။
ဆေ့ဂျ်ဟာ လွန်ခဲ့တဲ့ ၁၂ လခန့်တုန်းက လန့်စ်သို့ ရောက်လာပြီးနောက် လီဂူး ၁ တွင် အဆင့် ၂ နေရာမှာ ရပ်တည်နိုင်အောင် ဦးဆောင်နိုင်ခဲ့သလို ကလပ်ရဲ့ နှစ် ၁၂၀ သမိုင်းတွင် ပထမဆုံး Coupe de France ဖလားကိုလည်း ရယူပေးနိုင်ခဲ့ပါတယ်။
ခရစ္စတယ်ပဲလေ့စ်ဟာ ပထမဦးစားပေးနည်းပြအဖြစ် ဘုန်းမောက်နည်းပြအန်ဒိုနီအိုင်ရာအိုလာအား ခန့်အပ်ရေး ကြိုးပမ်းခဲ့ပေမဲ့ လီဗာပူးအား အရေးနိမ့်သွားခဲ့ပါတယ်။
ဒါပေမဲ့ ပဲလေ့စ်ဟာ ဆေ့ဂျ်ရဲ့ တိုက်စစ်အသားပေး ကစားဟန်က ပရိသတ်များ သဘောကျလာစေနိုင်တဲ့အပြင် အင်္ဂလိပ်ဘာသာစကားကိုလည်း ကျွမ်းကျင်စွာ ပြောဆိုနိုင်မှုနှင့်အတူ ကောင်းမွန်တဲ့ ခန့်အပ်မှု ဖြစ်လာမယ်လို့ ယံကြည်နေပါတယ်။
ခရစ္စတယ်ပဲလေ့စ်ဟာ ကွန်ဖရင့်လိဂ်ဖလား ဆွတ်ခူးထားရာ လာမဲ့ရာသီတွင် ယူရိုပါလိဂ်ဝင်ခွင့်ရထားပါတယ်။
တဖက်တွင် ပဲလေ့စ်ဟာ တစ်နှစ်စာချုပ်သက်တမ်းသာကျန်တော့တဲ့ ပြင်သစ်တိုက်စစ်မှူးဂျိန်းဖီးလစ်ပီမာတီတာရဲ့အနာဂတ်နှင့် ကလပ်များစွာတို့က စိတ်ဝင်စားနေတဲ့ အင်္ဂလန်ကွင်းလယ်လူအဒမ်ဝါတွန်ရဲ့အနာဂတ်တို့အား ဖြေရှင်းရပါဦးမယ်။
ပဲလေ့စ်ဟာ အသင်းနှင့်စာချုပ်သက်တမ်းကုန်ဆုံးထားတဲ့ ဂျပန်ကွင်းလယ်ကစားသမားဒိုင်ချီကာမာဒါကို စာချုပ်သစ်ကမ်းလှမ်းထားပါတယ်။