မြန်မာ-တရုတ် စီးပွားရေး၊ ကုန်သွယ်ရေးနှင့် ရင်းနှီးမြှုပ်နှံမှု အခွင့်အလမ်းများကို ချိတ်ဆက်ပေးမည့် ပြပွဲကျင်းပမည်

မြန်မာနိုင်ငံ ဗမာတိုင်းရင်းသား စီးပွားရေးလုပ်ငန်းရှင်များအသင်း (UMBEEA) မှ ကြီးမှူးကျင်းပမည့်
"Myanmar–China Trade & Investment Expo 2026 ကို ဇွန် ၂၆ ရက်မှ ၂၈ ရက်အထိ ကျင်းပမည်ဖြစ်ကြောင်း သိရသည်။

အဆိုပါပြပွဲကို Yangon Convention Center (YCC), Yangonတွင် ကျင်းပပြုလုပ်သွားမည်ဖြစ်ပြီး မြန်မာ-တရုတ် စီးပွားရေး၊ ကုန်သွယ်ရေးနှင့် ရင်းနှီးမြှုပ်နှံမှု အခွင့်အလမ်းများကို ချိတ်ဆက်ပေးမည့် အထူးပြပွဲဖြစ်ကြောင်း သိရသည်။

ပြပွဲတွင် MSMEs လုပ်ငန်းရှင်များ၊ ထုတ်လုပ်သူများ၊ စားသောက်ကုန်နှင့် လူသုံးကုန် လုပ်ငန်းများ
၊စိုက်ပျိုးရေးနှင့် မွေးမြူရေးလုပ်ငန်းများ၊ အလှကုန်၊ ဖက်ရှင်နှင့် လက်မှုပစ္စည်းလုပ်ငန်းများ
ဝန်ဆောင်မှုလုပ်ငန်းများပါဝင်ပြသနိုင်ရန် ဖိတ်ခေါ်ကြောင်းလည်း အသိပေးထားသည်။

မြန်မာ MSMEs များအတွက် အထူးအားပေးနှုန်း (Special Local MSME Price) ဖြင့် Booth များ ငှားရမ်းနိုင်ကြောင်းလည်း သိရသည်။

Expo တွင် ပါဝင်ခြင်းဖြင့် မိမိလုပ်ငန်းနှင့် ထုတ်ကုန်များကို လူသိများစေရန် ဖောက်သည်အသစ်များ ရရှိစေရန် တရုတ်နှင့် နိုင်ငံတကာ စီးပွားရေးလုပ်ငန်းရှင်များနှင့် ချိတ်ဆက်နိုင်ရန်ကိုယ်စားလှယ်များ၊ ဖြန့်ချိရေးလုပ်ငန်းများနှင့် တွေ့ဆုံနိုင်ရန် ရင်းနှီးမြှုပ်နှံမှု အခွင့်အလမ်းများ ရှာဖွေနိုင်ရန် အခွင့်အရေးကောင်းများ ရရှိမည်ဖြစ်ကြောင်း သိရသည်။

Union of Myanmar Bamar Ethnic Entrepreneurs Association သို့ ဝင်ရောက်ပြသလိုသူများ အနေဖြင့် အမြန်ဆုံး စာရင်းပေးသွင်းကြပါရန် ဖိတ်ခေါ်ထားသည်။