ပရီးမီးယားလိဂ်ဖလား ဆွတ်ခူးပြီးနောက် မြည်းများအား ပုံမှန်မဟုတ်တဲ့ လှူဒါန်းမှု ပြုလုပ်လာတဲ့ အာဆင်နယ်စတားများ
=======================
အာဆင်နယ်ဟာ ပရီးမီးယားလိဂ်ဖလား ဆွတ်ခူးပြီးနောက် နော်ဖော့ခ်ဘေးမဲ့တောမှ မြည်းများအတွက် ပုံမှန်မဟုတ်တဲ့ လှူဒါန်းမှု တစ်ခု ပြုလုပ်လာပါတယ်။
ရက်ဝင်းမြင်းဘေးမဲ့တောက အာဆင်နယ်အသင်းထံမှ ပုံမှန်မဟုတ်တဲ့ လှူဒါန်းမှုတစ်ခု ရရှိခဲ့ကြောင်း အတည်ပြုသွားပါတယ်။
အာဆင်နယ်အသင်းက နွေရာသီအတွင်း မြည်းများရဲ့ခြေထောက်များအား အကာအကွယ်ပေးရန်အတွက် အသုံးပြုရန် ခြေအိတ်များအား လှူဒါန်းမှု လက်ခံသလားလို့ ရက်ဝင်းမြင်းဘေးမဲ့တော တာဝန်ရှိသူများကို မေးမြန်းခဲ့ပါတယ်။
ရက်ဝင်းမြင်းဘေးမဲ့တောအဖွဲ့ကလည်း ပရော်ဖက်ရှင်နယ်ကစားသမားများ အသုံးပြုတဲ့ ခြေအိတ်များမှာ မြည်းများအတွက် အလွန်သင့်တော်တဲ့ ပစ္စည်းများဖြစ်ရာ ချက်ချင်းပင် လှူဒါန်းမှုကို လက်ခံခဲ့တာလည်း ဖြစ်ပါတယ်။
အာဆင်နယ်ဟာ ပြီးခဲ့တဲ့လတုန်းက ပရီးမီးယားလိဂ်ဖလားဆွတ်ခူးပြီးနောက် အထက်ပါလှူဒါန်းမှုအား ပြုလုပ်ခဲ့တာပါ။
အာဆင်နယ်ဟာ ပြီးခဲ့တဲ့လတုန်းက ခရစ္စတယ်ပဲလေ့စ်အား ၂-၁ ဖြင့် အနိုင်ရရှိပြီးနောက် ၂၂ နှစ်အတွင်း ပထမဆုံးပရီးမီးယားလိဂ်ဖလားအား ကိုင်မြှောက်နိုင်ခဲ့ပါတယ်။
၎င်းတို့ဟာ ယင်းမတိုင်မီ ၅ ရက်တုန်းက Vitality Stadium တွင် မန်စီးတီးတို့ ဘုန်းမောက်ကို အနိုင်မရရှိခဲ့ကတည်းက ချန်ပီယံဖြစ်နေခဲ့တာပါ။
ဒါပေမဲ့ အာဆင်နယ်ဟာ ချန်ပီယံလိဂ်ဗိုလ်လုပွဲမှာတော့ ပီအက်စ်ဂျီကို ပင်နယ်တီအဆုံးအဖြတ်ဖြင့် ရှုံးနိမ့်ကာ ပထမဆုံးချန်ပီယံလိဂ်ဖလား ဆွတ်ခူးနိုင်မှုအခွင့်အရေး ဆုံးရှုံးခဲ့ရပါတယ်။
