ဗီဇာပြဿနာကြောင့် အမေရိကန်ပြည်ဝင်ခွင့် ပိတ်ပင်ခံလာရတဲ့ ဆွစ်ဇာလန်ရဲ့ ကမ္ဘာ့ဖလားစတား
=====================
ဆွစ်ဇာလန်စတားဘရီးလ်အမ်ဘိုလိုဟာ ဗီဇာပြဿနာကြောင့် ကမ္ဘာ့ဖလားအတွက် အမေရိကန်ပြည်ဝင်ခွင့် ပိတ်ပင်ခြင်းခံခဲ့ရပါတယ်။
ဆွစ်ဇာလန်ဘောလုံးအဖွဲ့ချုပ်ရဲ့ ကြေညာချက်အရ ဘရီးလ်အမ်ဘိုလိုမှာ ESTA (Electronic System for Travel Authorization) နှင့် ညှိစွန်းနေမှုနှင့်အတူ အမေရိကန်ပြည်ထောင်စုသို့ ပြည်ဝင်ခွင့် မရရှိခြင်းဖြစ်ကြောင်း ဆိုထားပါတယ်။
မီဒီယာများရဲ့ဖော်ပြမှုအရ အမ်ဘိုလိုမှာ ၂၀၁၈ ခုနှစ်တုန်းက ဘေဆယ်တွင် ဖြစ်ပွားတဲ့ ရန်ပွဲကြောင့် ယခုကဲ့သို့ ပြည်ဝင်ခွင့်ဗီဇာရရှိလာခြင်း မရှိတာ ဖြစ်ကြောင်း သိရပါတယ်။
တဖက်တွင် အမေရိကန်ဘက်က အမ်ဘိုလိုကို ဘယ်လိုအကြောင်းကြောင့် ပြည်ဝင်ခွင့်မပေးရသလဲဆိုတာ ရှင်းရှင်းလင်းလင်း ကြေညာထားခြင်း မရှိပါဘူး။
ဆွစ်ဇာလန်ဘောလုံးအဖွဲ့ချုပ်ကတော့ အမ်ဘိုလိုမှာ မကြာမီ အမေရိကန်ဗီဇာ ရရှိလာမယ်လို့ ယုံကြည်နေပြီး အမေရိကန်ရှိ အသင်းနှင့် ပူးပေါင်းလာနိုင်မယ်လို့ ယုံကြည်နေပါတယ်။
သူဟာ အသင်းသားများနှင့်အတူ ဇူးရစ်လေဆိပ်သို့ ရောက်နေချိန်တွင်မှ အမေရိကန်ပြည်ဝင်ခွင့် မရရှိကြောင်း သိရပြီးနောက် ကျန်ရစ်ခဲ့ရတာပါ။
အသက် ၂၉ နှစ်ရှိ အမ်ဘိုလိုဟာ ဆွစ်ဇာလန်အတွက် ၈၅ ပွဲကစားထားရာမှာ ၂၃ ဂိုးသွင်းထားသူ ဖြစ်ပြီး ၂၀၁၈ နှင့် ၂၀၂၂ ကမ္ဘာ့ဖလားတို့တွင်လည်း ပါဝင်ကစားခဲ့သူ ဖြစ်ပါတယ်။
သူဟာ ၂၀၂၁ ခုနှစ်တုန်းက မိုချင်ဂလက်ဘတ်တွင် ကစားနေစဉ် ကိုဗစ်စည်းမျဉ်းကို ချိုးဖောက်ကာ သူငယ်ချင်းတစ်ဦးရဲ့ ပါတီပွဲသို့ တက်ရောက်မှုကြောင့် ဒဏ်ရိုက်ခံခဲ့ရဖူးပါတယ်။ ထိုစဉ်တုန်းက ရဲတပ်ဖွဲ့က အိမ်ကို ဝင်ရောက် ဖမ်းဆီးခဲ့ရာတွင် အမ်ဘိုလိုဟာ ရေစိမ်ကန်နောက်တွင် ပုန်းအောင်းနေခဲ့မှုကြောင့် လွတ်မြောက်ခဲ့ပါတယ်။
ယင်းနောက် ၂ နှစ်အကြာတွင် အမ်ဘိုလိုဟာ ၂၀၁၈ ခုနှစ်တုန်းက ဖြစ်ပျက်ခဲ့တဲ့ ခြိမ်းခြောက်မှုအတွက် ဒဏ်ရိုက်ခြင်းခံခဲ့ရဖူးသလို ၂၀၂၄ ခုနှစ်တုန်းကလည်း ၂၀၂၁ ခုနှစ်တုန်းက စာမေးပွဲအောင်လက်မှတ်အတု ဝယ်ယူမှုအတွက် ဆွစ်ဇာလန်တွင် ရာဇဝတ်မှုဖြင့် အမှုရင်ဆိုင်ခဲ့ရပါတယ်။
ဆွစ်ဇာလန်အသင်းဟာ ကမ္ဘာ့ဖလားပြိုင်ပွဲအတွင်းတွင် ဆန်ဒီယေဂိုတွင် အခြေစိုက် စခန်းသွင်း လေ့ကျင့်ခန်းဆင်းလာပါမယ်။
