အီရာအိုလာကို လီဗာပူးလ် ချဉ်းကပ်မည်
================
လီဗာပူးလ်အသင်းတာဝန်ရှိသူတွေဟာ အာနီဆလော့ရဲ့နေရာအတွက် ဘုန်းမောက်နည်းပြ အန်ဒိုနီ အီရာအိုလာနဲ့ ဒီတစ်ပတ်အတွင်း တရားဝင်ဆွေးနွေးမှု စတင်ဖို့ ပြင်ဆင်နေပါတယ်။
ဒတ်ချ်လူမျိုးနည်းပြ ဆလော့ဟာ ဒီရာသီ ပြိုင်ပွဲစုံ ရှုံးပွဲ ၂၀ အထိ ကြုံတွေ့ခဲ့ရပြီး ပရီးမီးယားလိဂ် အဆင့် ၅ နေရာသာ ရရှိခဲ့တာကြောင့် ရာထူးကနေ ဖယ်ရှားခံခဲ့ရပါတယ်။
လီဗာပူးလ်က ပိုမိုတိုက်စစ်ဆန်ပြီး ဖိအားပေးကစားတဲ့ ဘောလုံးပုံစံကို တည်ဆောက်ချင်တာကြောင့် အီရာအိုလာကို အဓိကပစ်မှတ်ထားနေတာဖြစ်ပါတယ်။
၄၃ နှစ်အရွယ် စပိန်နည်းပြဟာ ပြီးခဲ့တဲ့ရာသီမှာ ဘုန်းမောက်ကို သမိုင်းတစ်လျှောက် ပထမဆုံးအကြိမ် ဥရောပဝင်ခွင့်ရအောင် ပို့ဆောင်ပေးခဲ့ပြီး စာချုပ်သက်တမ်းလည်း ကုန်ဆုံးထားပြီဖြစ်ပါတယ်။
လီဗာပူးလ်အသင်းဟာ ကမ္ဘာ့ဖလားမစတင်မီ နည်းပြသစ်ခန့်အပ်နိုင်ဖို့ ရည်မှန်းထားပြီး အီရာအိုလာရဲ့ လစာတောင်းဆိုမှုကလည်း ပြဿနာမရှိနိုင်ဘူးလို့ သိရပါတယ်။
