လူမြင်ကွင်းတွင် ဂရိဝန်ကြီးချုပ်ရဲ့တူနှင့် ခိုက်ရန်ဖြစ်ပွားခဲ့တဲ့ နော်တင်ဟမ်ဖောရက်စ်ပိုင်ရှင်
==================
နော်တင်ဟမ်ဖောရက်စ်ပိုင်ရှင် ဘီလျှံနာအီဗန်ဂျီလို့စ်မာရီနာကစ်ဟာ လူမြင်ကွင်းတွင် ဂရိဝန်ကြီးချုပ်ရဲ့တူနှင့် ခိုက်ရန်ဖြစ်ပွားခဲ့ပြီး အင်္ကျီစုတ်ပြဲကာ ပွန်းပဲ့ဒဏ်ရာများ ရရှိခဲ့ပါတယ်။
အသက် ၅၈ နှစ်ရှိ မာရီနာကစ်ဟာ ညာဖက်မျက်လုံးအနီးတွင် ပွန်းရှသွားခဲ့ပြီး အင်္ကျီလည်း စုတ်ပြဲသွားခဲ့ပါတယ်။
မာရီနာကစ်နှင့် အသက် ၄၇ နှစ်ရှိ ဂရီဂိုရစ်ဒီမီထရီယာဒစ်တို့ဟာ တနင်္ဂနွေနေ့တုန်းက အေသင်တွင် ကစားတဲ့ အိုလံပီယာကို့စ်နှင့် ရီးရဲလ်မက်ဒရစ်တို့ရဲ့ ယူရိုပါလိဂ်ဘတ်စကက်ဘောဗိုလ်လုပွဲအား VIP တွင် ကြည့်ရှုခဲ့ကြပါတယ်။
ဒါပေမဲ့ ၎င်းတို့နှစ်ဦးတို့ဟာ ပွဲစတင်ခင်မှာပင် အချင်းများရန် ဖြစ်ခဲ့ကြပါတယ်။
၎င်းတို့နှစ်ဦးဟာ အပြန်အလှန် ဆဲဆို အော်ဟစ်ပြောကြားခဲ့ကြပြီး လုံခြုံရေးဝန်ထမ်းများ ဝင်ရောက်တားဆီးခဲ့ကြရပါတယ်။
ယင်းအပြန်အလှန်နှုတ်လှန်ထိုးမှုတွင် အိုလံယာကို့စ်အသင်းဒုဥက္ကဌကိုစတာကာရာပါပစ်လည်း ပါဝင်တာ တွေ့ရပါတယ်။
ယင်းရုန်းရင်းဆန်ခတ်အဖြစ်အပျက်ကြောင့် မာရီနာကစ်ဟာ အင်္ကျီ ဆိုးဆိုးရွားရွားစုတ်ပြဲသွားခဲ့ပါတယ်။
ဒါပေမဲ့ ကံကောင်းတာက သူပိုင်ဆိုင်တဲ့ အိုလံပီယာကို့စ်က ရီးရဲလ်မက်ဒရစ်အား ၉၂-၈၅ ဖြင့် အနိုင်ရ ဗိုလ်စွဲသွားခဲ့ပါတယ်။
