မေဂျာလိဂ်တွင် ရုန်းကန်နေရတဲ့ ပေါ့လန်းတမ်ဘားမှ ဖီးလ်နဗီးလ် ထွက်ခွာ
===================
ပေါ့လန်းတမ်ဘားက နည်းပြချုပ်ဖီးလ်နဗီးလ်နှင့် နှစ်ဦးသဘောတူလမ်းခွဲလိုက်ပြီ ဖြစ်ကြောင်း ကြေညာလာပါတယ်။
နဗီးလ်ဟာ ပေါ့လန်းတမ်ဘားအတွက် နောက်ဆုံးပွဲအဖြစ် ဆန်ဟိုဆေးအတ်ကွီအား ၃-၁ ဖြင့် ရှုံးနိမ့်တဲ့ပွဲအား ကိုင်တွယ်ခဲ့ပါတယ်။ ပေါ့လန်းဟာ ယင်းရှုံးပွဲကြောင့် အနောက်ပိုင်းကွန်ဖရင့်လိဂ်ဇယားအောက်ပိုင်း ၃ သင်းတွင် ကျင်လည်လာရပါတယ်။ ဒါ့အပြင် ပေါ့လန်းတမ်ဘားဟာ မေဂျာလိဂ်ပလေးအော့ဖ်နေရာနှင့် ရမှတ် ၈ မှတ်ကွာဟလာပါတယ်။
အသက် ၄၉ နှစ်ရှိ နဗီးလ်က "ရလဒ်က အဓိကပဲ ဆိုတာ နားလည်ပါတယ်။ ဒီကလပ်အတွက် မျှော်လင့်ထားတဲ့ရလဒ် မယူဆောင်လာပေးနိုင်ခဲ့ပါဘူး"လို့ ဆိုသွားပါတယ်။
အင်္ဂလန်နှင့် ယူနိုက်တက်နောက်ခံလူဟောင်းဟာ အင်တာမီယာရဲ့ ထုတ်ပယ်ခြင်းခံခဲ့ရပြီးနောက် ၂၀၂၃ ခုနှစ်တွင် ပေါ့လန်းတမ်ဘားအား ကိုင်တွယ်လာခဲ့တာ ဖြစ်ပါတယ်။
သူဟာ အင်္ဂလန်အမျိုးသမီးလက်ရွေးစင်အသင်းကိုလည်း ကိုင်တွယ်ခဲ့ဖူးပြီး ၂၀၁၉ ကမ္ဘာ့ဖလားဗိုလ်လုပွဲသို့ ပို့ဆောင်ပေးခဲ့ဖူးပါတယ်။
