ရာသီသိမ်းပွဲတွင် အဲဗာတန်ကို အနိုင်ယူကာ ပရီးမီးယားလိဂ်မှာ တင်ကျန်ရစ်ခဲ့တဲ့ စပါးစ်
===========================
စပါးစ်ဟာ မြောက်လန်ဒန်မှာ အဲဗာတန်ကို ၁-၀ ဂိုးဖြင့် အနိုင်ယူကာ ပရီးမီးယားလိဂ်မှ တန်းဆင်းရမဲ့အရေးမှ ရှောင်လွဲနိုင်ခဲ့ပါတယ်။ စပါးစ်တို့ ပရီးမီးယားလိဂ်တွင် တင်ကျန်ရစ်စေမဲ့ တစ်လုံးတည်းသော အနိုင်ဂိုးကို ပထမပိုင်းမှာ ပယ်ဟင်ဟာက သွင်းယူခဲ့တာလည်း ဖြစ်ပါတယ်။
စပါးစ်တို့ အဲဗာတန်ကို အနိုင်ရလာမှုနှင့်အတူ လန်ဒန်မြို့ခံပြိုင်ဘက် ဝက်စ်ဟမ်းတို့ဟာ လိဒ်ကို ၃-၀ ဂိုးဖြင့် အနိုင်ရခဲ့ပေမဲ့လည်း ပရီးမီးယားလိဂ်မှ ချန်ပီယံရှစ်သို့ တန်းဆင်းလိုက်ရပြီလည်း ဖြစ်ပါတယ်။
ရောဘတ်တိုဒီဇာဘီဦးဆောင်တဲ့ စပါးစ်ဟာ ပထမပိုင်းမှာ ပွဲကို လွှမ်းမိုးကစားထားနိုင်ခဲ့ပြီး ၁၀ မိနစ်အတွင်းမှာ ကော်နာဂယ်လာဂါနှင့် ကီဗင်ဒန်ဆိုတို့ အလွတ်တည်ကန်ဘောကနေ အခွင့်အရေးရခဲ့ပေမဲ့ လွဲခဲ့သလို ပယ်ဟင်ဟာ အခွင့်အရေးရခဲ့ပေမဲ့ အသုံးမချနိုင်ခဲ့လို့ နစ်နာခဲ့ရပါတယ်။
ဒါပေမဲ့ စပါးစ်ဟာ ပထမပိုင်းပြီးခါနီး ၂ မိနစ်အလိုမှာ ပယ်ဟင်ဟာရဲ့ ဂိုးဖြင့် အနိုင်ဂိုးရခဲ့ပါတယ်။
ဧည့်သည်အဲဗာတန်ဟာ ဒုတိယပိုင်းမှာ ပွဲကို လွမ်းမိုးကစားထားနိုင်ခဲ့ပေမဲ့ စပါးစ်ကို ခြိမ်းခြောက်နိုင်ခဲ့ခြင်း မရှိပါဘူး။ ဒါပေမဲ့ အချိန်ပိုမှာ တိုင်ရီကေးဂျော့ရဲ့ ကန်ချက်ကို ကန်စကီး လက်စွမ်းပြကာကွယ်သွားခဲ့လို့ စပါးစ်တို့ တန်းမဆင်းခဲ့ရတာဆိုရင်လည်း မမှားပါဘူး။
