အားကစားလောကရဲ့ ဝင်ငွေအများဆုံးရ အားကစားသမားအဖြစ် ၄ နှစ်ဆက်တိုက် ရပ်တည်လာတဲ့ ခရစ္စတီယာနိုရော်နယ်ဒို
=====================
ခရစ္စတီယာနိုရော်နယ်ဒိုဟာ အားကစားလောကရဲ့ ဝင်ငွေအများဆုံးရ အားကစားသမားအဖြစ် ၄ နှစ်ဆက်တိုက် ရပ်တည်လာပါတယ်။
ဒါပေမဲ့ အားကစားလောကရဲ့ ဝင်ငွေအများဆုံးအားကစားသမား ၁၀ ဦးစာရင်းတွင် ဘောလုံးလောကမှ ခရစ္စတီယာနိုရော်နယ်ဒိုအပြင် အခြား ၂ ဦးသာ ပါဝင်လာပါတယ်။
တဖက်တွင် ခရစ္စတီယာနိုရော်နယ်ဒိုဟာ Forbes ရဲ့ နောက်ဆုံး ၁၁ နှစ်အတွင်း ဝင်ငွေအများဆုံးအားကစားသမားများစာရင်းတွင် ၆ ကြိမ်မြောက်ပါဝင်လာတာလည်း ဖြစ်ပါတယ်။
ခရစ္စတီယာနိုရော်နယ်ဒိုဟာ အခွန်နှင့် အေးဂျင့်ခများမပါဝင်မီ တစ်နှစ်ဝင်ငွေ ပေါင် ၂၂၃ သန်းဖြင့် ရပ်တည်လာတာပါ။ သူဟာ ၂၀၁၅ ခုနှစ်တုန်းက စံချိန်တင်ဝင်ငွေ ရရှိခဲ့တဲ့ ဖလွိုက်မေဝဲလ်သားရဲ့ ဝင်ငွေစံချိန်ကိုလည်း လိုက်မီလာပါတယ်။
သူဟာ Al-Nassr နှင့်စာချုပ်မှ ပေါင် ၁၇၅ သန်း ရရှိလာတာ ဖြစ်ပြီး ကျန် ပေါင် ၄၈ သန်းအား စပွန်ဆာစာချုပ်များ၊ ကြေညာနှင့် အခြားလုပ်ငန်းများမှ ရရှိလာတာပါ။
သူဟာ ၂၀၂၅ ခုနှစ်တုန်းကထက် ပေါင် ၁၉ သန်းအထိ ဝင်ငွေမြင့်မားလာတာလည်း ဖြစ်ပါတယ်။
ဒုတိယနေရာတွင် ကာနီလိုအယ်ဗာရက်ဇ်က ပေါင် ၁၂၆ သန်းဖြင့် ရပ်တည်နေပြီး ခရစ္စတီယာနိုရော်နယ်ဒိုနှင့် ဝင်ငွေ ပေါင် ၉၇ သန်းအထိ ကွာဟနေပါတယ်။
မက္ကဆီကိုလက်ဝေ့သမားဟာ ယင်းဝင်ငွေအားလုံးနီးပါးကို လက်ဝှေ့ကြိုးဝိုင်းအတွင်းမှ ရရှိလာခဲ့တာပါ။
ရော်နယ်ဒိုရဲ့ ကာလရှည်ကြာ ပြိုင်ဘက် လီယွန်နယ်မက်ဆီက ကွင်းတွင်းနှင့် ကွင်းပြင် အချိုးတူ ဝင်ငွေ ရရှိကာ ဝင်ငွေ ပေါင် ၁၀၄ သန်းဖြင့် တတိယနေရာမှာ ရပ်တည်နေပါတယ်။
မက်ဆီဟာ လီဘရွန်ဂျိမ်းစ်(ပေါင် ၁၀၃ သန်း)၊ ဘော့စ်ဘောရဲ့ ရှိဟိုင်းအိုတာနီ (ပေါင် ၉၅ သန်း)တို့အား ကျော်ဖြတ်ကာ ရပ်တည်လာတာပါ။
၎င်းတို့ရဲ့နောက်တွင် စတီဖင်ကာရီ (ပေါင် ၉၃ သန်း)၊ ဂျွန်ရမ်(ပေါင်သန်း ၈၀)၊ ကာရမ်ဘန်ဇီးမား(ပေါင် ၇၇ သန်း)၊ ကီဗင်ဒူရန့်(ပေါင် ၇၇ သန်း)၊ လီဝစ်ဟာမီတန်(ပေါင် ၇၄ သန်း)တို့ အသီးသီး ရပ်တည်နေပါတယ်။
ဒါ့အပြင် Forbes ရဲ့ ဝင်ငွေအများဆုံးအားကစားသမားများစာရင်းတွင် ကိုင်လီယန်ဘက်ပေး(၁၂/ ပေါင် ၇၁ သန်း)၊ အာလင်းဟာလန်း(၁၉/ ပေါင်သန်း၆၀)တို့လည်း ပါဝင်ခဲ့ပါတယ်။
