မန်စီးတီးစတားနှင့် ဇနီးသည်များတို့အား နှုတ်ဆက်ပါတီပွဲ ပြုလုပ်ပေးခဲ့တဲ့ မန်စီးတီးအသင်းခေါင်းဆောင်ဘာနာဒိုဆေးလ်ဗား
===================
မန်စီးတီးအသင်းခေါင်းဆောင်ဘာနာဒိုဆေးလ်ဗားနှင့် ဂျွန်စတုန်းတို့ဟာ အင်္ဂါနေ့ညနေပိုင်းတုန်းက ယခင်နှင့် လက်ရှိ မန်စီးတီးစတားများနှင့် ချစ်သူ/ဇနီးတို့အား နှုတ်ဆက်ပါတီပွဲ ပြုလုပ်ပေးခဲ့ကြပါတယ်။
အသင်းခေါင်းဆောင်ဘာနာဒိုဆေးလ်ဗားဟာ ယခုရာသီအကုန်တွင် ၉ နှစ်ကြာ ကစားလာခဲ့တဲ့ အီတီဟတ်မှ ထွက်ခွာလာမှာ ဖြစ်သလို ၂၀၁၆ ခုနှစ်ကတည်းက မန်စီးတီးတွင် ကစားလာခဲ့တဲ့ ဗဟိုနောက်ခံလူဂျွန်စတုန်းကလည်း နွေရာသီမှာ ထွက်ခွာလာပါမယ်။
၎င်းတို့ဟာ မန်စီးတီးအသင်းခေါင်းဆောင်ဟောင်းကိုင်လီဝေါလ်ကားအပါအဝင် လက်ရှိ မန်စီးတီးစတားများနှင့် ဇနီးသည်တို့အား ဖိတ်ကြားကာ နှုတ်ဆက်ပါတီပွဲ ပြုလုပ်ပေးလာတာပါ။
ယင်းနှတ်ဆက်ပါတီပွဲကို မန်ချက်စတာစီးတီးမြို့လယ်ခေါင်ရှိ လူးဝစ်နိုက်ကလပ်တွင် ပြုလုပ်ခဲ့တာဖြစ်ပြီး ပါတီပွဲမှာ ၅ နာရီခွဲခန့်ကြာမြင့်ကာ နံနက် ၁ နာရီခွဲဝန်းကျင်တွင်မှ ပြီးဆုံးသွားခဲ့ပါတယ်။
ကိုင်လီဝေါလ်ကားကလွဲပြီး မန်စီးတီးစတားအများစုတို့မှာ ချစ်သူ/ဇနီးတို့နှင့် ပါတီပွဲသို့ တက်ရောက်လာကြပြီး မန်စီးတီးလက်ထောက်နည်းပြကိုလိုတိုးရေးလည်း တက်ရောက်ခဲ့ပါတယ်။
ဘာနာဒိုဆေးလ်ဗားနှင့် ဂျွန်စတုန်းတို့ဟာ မန်စီးတီးတွင် ကစားစဉ်အတွင်း ပရီးမီးယားလိဂ်ဖလား ၆ ကြိမ်၊ ချန်ပီယံလိဂ်ဖလား ၁ ကြိမ်အပါအဝင် ဆုဖလား ၁၈ လုံး ဆွတ်ခူးနိုင်ခဲ့ကြပါတယ်။
