အိမ်မှာ "ဂျပိုး" တွယ်နေပြီလား? ဘယ်လိုနှိမ်နင်းမလဲ။
အိပ်ရာထဲရောက်တာနဲ့ တစ်ကိုယ်လုံး ယားယံလာတာ၊ အနီကွက်တွေ ထွက်လာတာမျိုး ကြုံဖူးကြမှာပါ။ ဒါဟာ သာမန်ခြင်ကိုက်တာမဟုတ်ဘဲ ဂျပိုးကိုက်တာ ကြောင့် ဖြစ်နိုင်ပါတယ်။ ဒီကောင်တွေက လူ့သွေးကို စုပ်ယူပြီး အသက်ရှင်ကြတာဖြစ်ပြီး ခိုအောင်းရုံတင်မကဘဲ မျိုးပွားနှုန်းလည်း အင်မတန် မြန်ဆန် လှပါတယ်။
ဂျပိုးတွေ ဘယ်လိုအသက်ရှင်သလဲ?
ဂျပိုးတွေဟာ အမှောင်ထဲမှာ ပိုမိုလှုပ်ရှားကြပြီး လူတွေအိပ်ပျော်နေချိန် ထွက်ပေါ် လေ့ရှိပါတယ်။ အစာ (သွေး) မစုတ်ရဘဲနဲ့လည်း လပေါင်းများစွာ အသက်ရှင်နိုင်တဲ့ စွမ်းရည် ရှိကြပါတယ်။
လေးညှင်းပွင့်ကို အသုံးပြုပြီး နှိမ်နင်းနည်း
လေးညှင်းပွင့်ရဲ့ ပြင်းရှတဲ့ ရနံ့က ဂျပိုးတွေကို သေစေနိုင်သလို ထပ်မလာအောင်လည်း ဟန့်တား ပေးနိုင်ပါတယ်။
၁။ လေးညှင်းဆီ အသုံးပြုခြင်း: လေးညှင်းဆီ (Clove Essential Oil) ကို ရေနဲ့ရောပြီး ဂျပိုးရှိနိုင်တဲ့ နေရာတွေကို ဖျန်းပေး ပါ။
၂။ လေးညှင်းပွင့် အခြောက်: လေးညှင်းပွင့် အခြောက်တွေကို မွေ့ရာအောက်၊ ခေါင်းအုံးအောက်နဲ့ အိပ်ယာထောင့်တွေမှာ ဖြန့်ထား ပေးပါ။
အခြားထိရောက်သော နည်းလမ်းများ
အပူပေးခြင်း: ဂျပိုးတွေဟာ အပူဒဏ်ကို မခံနိုင်ကြပါဘူး။ အဝတ်အစားနဲ့ အိပ်ယာခင်းတွေကို ရေနွေးပူပူနဲ့ လျှော်ပေး ပါ။
နေလှန်းခြင်း: မွေ့ရာတွေကို နေရောင်ခြည်ပြင်းပြင်းအောက်မှာ အချိန်ကြာကြာ ထုတ်လှန်း ပေးပါ။
သန့်ရှင်းရေး: ဖုန်စုပ်စက် (Vacuum) အသုံးပြုပြီး ထောင့်စေ့အောင် စုပ်ထုတ် သန့်ရှင်းပါ။
ဒီနည်းလမ်းလေးတွေကို အသုံးပြုပြီး သင့်အိမ်က ဂျပိုးတွေကို အမြန်ဆုံး ရှင်းလင်းနှိမ်နင်းလိုက်ကြရအောင်။