အမြတ်ငွေ ပေါင် ၃.၇၅ သန်းအား ပြန်ပေးရန် ပရီးမီးယားလိဂ်ပွဲများကို တရားမဝင်ထုတ်လွှင့်တဲ့ဂိုဏ်း တရားစီရင်ခြင်းခံလာရ
=================
တရားရုံးက ဘောလုံးပွဲများအား တရားမဝင်ထုတ်လွှင့်တဲ့ဂိုဏ်းအဖွဲ့ဝင် ၅ ဦးအား အကျိုးအမြတ်ရရှိခဲ့တဲ့ ပေါင် ၃.၇၅ သန်းကို ပြန်ပေးရန်နှင့် ထောင်ဒဏ်ကျခံရန် ဆုံးဖြတ်လာပါတယ်။
တရားရုံးဟာ တရားမဝင် ရုပ်သံထုတ်လွှင့်တဲ့ Flawless TV နောက်ကွယ်မှ မတ်ဂိုးလ်ဒ်နှင့် အဖွဲ့သား ၄ ဦးတို့အား စုစုပေါင်းထောင်ဒဏ်နှစ် ၃၀ ကျော် ချမှတ်ကာ သမိုင်းတွင် အကြီးမားဆုံးမူပိုင်ခွင့်ချိုးဖောက်မှု ပြစ်ဒဏ်ချမှတ်ခဲ့ပါတယ်။
၎င်းတို့ဟာ စားသုံးသူ ၅၀၀၀၀ သောင်းကျော်အထိ ရရှိခဲ့သလို ဝန်ထမ်း ၃၀ အထိ ခန့်အပ်လုပ်ဆောင်နိုင်ခဲ့ကာ ၂၀၁၆ ခုနှစ်မှ ၂၀၂၁ ခုနှစ်အတွင်းတွင် ပေါင် ၇ သန်းကျော်အထိ ရရှိခဲ့ကြပါတယ်။
ယခုအပတ်မှာတော့ Derby Crown Court က ဂိုးလ်အား ထောင်ဒဏ် ၁၁ နှစ်အထိ ကျခံရန်နှင့် သုံးလအတွင်း ပေါင် ၂.၃၅ သန်းအား ပြန်ပေးရန်၊ မပေးပါက နောက်ထပ် ထောင်ဒဏ် ၁၀ နှစ်ကျခံရန် ဆုံးဖြတ်လာပါတယ်။
ဒါ့အပြင် ဂိုးလ်ဒ်နှင့်အတူ ပါဝင်လုပ်ဆောင်ခဲ့တဲ့ အဖွဲ့သား ၄ ဦးတို့ကိုလည်း ပေါင် ၁.၄ သန်းကျော်အား ပြန်ပေးရန်နှင့် မပေးပါက နှစ်ရှည်ထောင်ဒဏ်ကျခံရမယ်လို့ အမိန့်ချမှတ်လာပါတယ်။
စုစုပေါင်း ပေါင် ၃.၇၅ သန်းပြန်ပေးရန် ဆုံးဖြတ်လာမှုမှာ ဗြိတိန်သမိုင်းတွင် တရားမဝင် ရုပ်သံထုတ်လွှင့်သူများအား ဒုတိယအကြီးမားဆုံးငွေပေးချေရန် ဆုံးဖြတ်လာတာပါ။
ဒါ့အပြင် တရားရုံးက ယင်းငွေများမှ ၅၀ ရာခိုင်နှုန်းကို အခွန်ဌာနသို့ ပေးရန်နှင့် ကျန် ၅၀ ရာခိုင်နှုန်းအား စုံစမ်းစစ်ဆေးမှုပြုလုပ်သူများ၊ တရားရုံးများအား ပေးရန် ဆုံးဖြတ်လာပါတယ်။
