ကြီးမားတဲ့ သစ်ပင်အိမ်နှင့် မြင်းဇောင်းတို့ ပါဝင်တဲ့အပြင် အိပ်ခန်း ၁၀ ခန်းပါဝင်တဲ့ နေအိမ်အားပေါင် ၆.၂ သန်းဖြင့် ဝယ်ယူလာတဲ့ အာလင်းဟာလန်း
=====================
အာလင်းဟာလန်းဟာ အိပ်ခန်း ၁၀ ခန်းအထိ ပါဝင်တဲ့ နေအိမ်အား ပေါင် ၆.၂ သန်းဖြင့် ဝယ်ယူလာပါတယ်။
မန်စီးတီးတိုက်စစ်မှူးဟာ သူ့တစ်သင်းတစ်လုံးနီးပါး ကောင်းကောင်းတည်းနိုင်တဲ့ အဆောင် ၄ ခုပါ နေအိမ်ကို ဝယ်ယူလာတာပါ။
ဒါ့အပြင် စိတ်ဝင်စားစရာကောင်းတာကတော့ ယင်းနေအိမ်တွင် ကြီးမားတဲ့ သစ်ပင်အိမ်လည်း ပါဝင်ပါတယ်။
အသက် ၂၅ နှစ်ရှိ ဟာလန်းဟာ ပြီးခဲ့တဲ့နှစ်နွေရာသီတုန်းက ယင်းနေအိမ်အား ဝယ်ယူခဲ့ခြင်းဖြစ်ကြောင်း Land Registry ရဲ့ စာရွက်စာတမ်းများတွင် ဖော်ပြမှုအရ သိရပါတယ်။
ယင်းနေအိမ်တွင် ရေကူးကန်၊ ရေကန်တို့အပြင် ဥယျာဉ်လည်း ပါဝင်သလို ကားဂိုထောင်နှင့် မြင်းဇောင်းများလည်း ပါဝင်ပါတယ်။
ဒါ့အပြင် အာလင်းဟာလန်းဟာ သူဝယ်ယူစုဆောင်းထားတဲ့ ပေါင် ၁၀ သန်တန်ဖိုးရှိ စူပါကားများကို သိမ်းဆည်းထားရန်အတွက် ကြီးမားတဲ့ ကားဂိုထောင်တစ်ခုလည်း တည်ဆောက်ခွင့် ရထားပါသေးတယ်။
အာလင်းဟာလန်းဟာ အသက် ၂၂ နှစ်ရှိ ချစ်သူ အစ်ဇဘယ်လ်ဟော့ဂ်ဆန်ဂျိုဟန်ဆန်နှင့် ကလေးတို့နှင့် အခြေတကျ နေထိုင်ရန်အတွက် ရည်ရွယ်ပြီး ချီရှိုင်းယားရှိ ယင်းနေအိမ်ကို ဝယ်ယူခဲ့တာပါ။
အာလင်းဟာလန်းနှင့် မန်စီးတီးတို့ဟာ ပရီးမီးယားလိဂ်ဖလားအတွက် တိုက်ပွဲဝင်နေတုန်း ဖြစ်ပြီး တနင်္လာနေ့တွင် အဲဗာတန်နှင့် ရင်ဆိုင်ကစားရပါမယ်။
