ဆန်းဒါးလန်းနှင့်ပွဲတွင် ဂိုးသွင်းယူပြီးနောက် ကောင်းကင်ကို လက်ညိုးထိုးကာ ကွယ်လွန်သွားရှာပြီဖြစ်တဲ့ မိခင်ကို ရည်စူးခဲ့တဲ့ အင်ဒါဆင်
===================
အီးလီးယော့အင်ဒါဆင်ဟာ ဆန်းဒါးလန်းနှင့်ပွဲတွင် ဂိုးသွင်းယူပြီးနောက် ကွယ်လွန်သွားရှာပြီဖြစ်တဲ့ မိခင်ဖြစ်သူကို ရည်စူးခဲ့ပါတယ်။
အင်္ဂလန်စတားဟာ ဆန်းဒါးလန်းကို ၅-၀ ဂိုးဖြင့် အနိုင်ရတဲ့ပွဲရဲ့ အချိန်ပိုတွင် ပဥ္စမမြောက်ဂိုးကို သွင်းယူခဲ့ပါတယ်။ ယင်းဂိုးက အင်ဒါဆင်အတွက် မိခင်ကွယ်လွန်ပြီးနောက် ပထမဆုံးသွင်းယူတဲ့ဂိုးလည်း ဖြစ်ပါတယ်။
အင်ဒါဆင်ဟာ မိခင် ကွယ်လွန်သွားမှုကြောင့် ပေါ်တိုကို ၁-၀ ဂိုးဖြင့် အနိုင်ရရှိကာ ယူရိုပါလိဂ်ဆီမီးဖိုင်နယ်သို့ တက်ရောက်နိုင်တဲ့ပွဲစဉ်အား လွဲချော်ခဲ့သူလည်း ဖြစ်ပါတယ်။
သူဟာ ပြီးခဲ့တဲ့အပတ်အကုန်တုန်းက ဘန်လေအား အနိုင်ရတဲ့ပွဲစဉ်မှာ နော်တင်ဟမ်ဖောရက်စ်အတွက် ပြန်လည် ကစားလာနိုင်ခဲ့ပါတယ်။
အဆိုပါပွဲစဉ်တွင် နော်တင်ဟမ်ဖောရက်စ်ဟာ အင်ဒါဆင်ရဲ့ မိခင်ဟီလန်အင်ဒါဆင်အတွက် တစ်မိနစ် ငြိမ်သက်ကာ ဝမ်းနည်းခြင်းအထိမ်းအမှတ် ပြုလုပ်ခဲ့ပါတယ်။
