ကြီးမားတဲ့အခွင့်အရေး အသုံးချရန် မန်စီးတီး အသင့်ဖြစ်နေပြီလို့ ဂွါဒီယိုလာကြုံးဝါးလာ
=====================
ပက်ဂွါဒီယိုလာက မန်စီးတီးမှာ ပရီးမီးယားလိဂ်ဖလားဖိအားဒဏ်ကို ခံနိုင်ကြောင်း၊ သို့ရာတွင် အက်ဖ်အေဖလားပြိုင်ပွဲ ပွဲပန်းမှုက အသင်းပေါ် ရိုက်ခတ်မှု ရှိလာနိုင်ကြောင်း ဖွင့်ဟလာပါတယ်။
မန်စီးတီးဟာ ဘန်လေအား အနိုင်ယူကာ ပရီးမီးယားလိဂ်အမှတ်ပေးဇယားထိပ်ဆုံးနေရာသို့ တက်လှမ်းလာနိုင်ခဲ့ပါတယ်။
မန်စီးတီးဟာ စနေနေ့တွင် ဝင်ဘာလေကွင်းမှာ ဆောက်သမ်တန်နှင့် အက်ဖ်အေဖလားဆီမီးဖိုင်နယ်ပွဲကစားရမှာ ဖြစ်ပြီး ပြည်တွင်းဆုဖလား ၃ လုံး ဆွတ်ခူးရေး အိပ်မက် အသက်ဝင်နေပါတယ်။
ဂွါဒီယိုလာက "ဗိုလ်လုပွဲ ၄ ပွဲဆက်ကစားနိုင်မယ့် ကြီးမားတဲ့ အခွင့်အရေးကြီး ဖြစ်ပါတယ်။ ကျွန်တော်တို့ အပြောင်းအလဲတချို့တော့ လုပ်လာရမယ်။ ကျွန်တော်တို့ အနည်းငယ်ပွဲပန်းနေတယ်။ ဒါပေမယ့် ကျွန်တော်တို့ အသင့်ဖြစ်နေပါပြီ။ တိုက်ပွဲတွေအတွက် အသင့် ဖြစ်နေပါပြီ။ အနာဂတ်အတွက် အားလုံး၊ အားလုံးအတွက် အသင့် ဖြစ်နေပြီ။ အားလုံးကောင်းလာမှာပါ။ ကျွန်တော်တို့ အများကြီး ကြုံဖုးတော့ အတွေ့အကြုံကောင်းတွေ ရှိနေတော့ အကောင်းဆုံးကိုင်တွယ်နိုင်မှာပါ။ အောင်နိုင်ရေးက အဓိကပစ်မှတ်ပါ။ ပြီးခဲ့တဲ့သုံးရက်တာကို စဉ်းစားလိုက်ရင် ခံစစ်ချက်တွေ ခန္ဓာကိုယ်ရင်းနှီးမှုတွေနဲ့ ဒီပွဲကို ကစားခဲ့ရတာပါ။ ကျွန်တော်တို့ တကယ့်ပွဲကြီးကစားနိုင်ခဲ့တယ်။ အနိုင်ရဖို့ ဘာမဆို လုပ်သွားမယ်။ ဒါပေမယ့် ထိုက်တန်အောင် လုပ်ရမယ်။ ပြေးရမယ်၊ ခုန်ရမယ်၊ ပေးရမယ်၊ ကန်သွင်းရမယ်။ ဒီကနေ့အချိန်အထိ အကျိုးဆက်ကို မတွေးသေးပါဘူး။ အမှတ်ပေးဇယားထိပ်ဆုံးမှာပဲ ရှိရှိ မရှိရင်ဘဲ ဖြစ်ဖြစ် ဘာပဲ ဖြစ်လာ ဖြစ်လာ ဘန်လေကို အနိုင်ယူဖို့ပဲ သိတယ်"လို့ ပြောကြားသွားပါတယ်။
တဖက်တွင် ဘန်လေဟာ မန်စီးတီးကို ရှုံးနိမ့်ပြီးနောက် ပရီးမီးယားလိဂ်မှ ချန်ပီယံရှစ်သို့ တန်းဆင်းသွားခဲ့ရပြီ ဖြစ်ပါတယ်။
