ပါရာဂွေးဒါဘီပွဲစဉ်တွင် ရဲတပ်ဖွဲ့က ရာဘာကျည်အသုံးပြုကာ ပစ်ခတ်မှုကြောင့် ပွဲကို ရပ်ဆိုင်းလိုက်ရ
======================
တနင်္ဂနွေနေ့တုန်းက ပါရာဂွေးအဆင့်မြင့်တန်းလိဂ်ရဲ့ ထိပ်သီး ၂ သင်းဆုံတွေ့တဲ့ပွဲစဉ်တွင် ပရိသတ်များနှင့် ရဲတပ်ဖွဲ့အကြား ခိုက်ရန် ဖြစ်ပွားပြီးနောက် ပွဲကို ရပ်ဆိုင်းလိုက်ရပါတယ်။
ရဲတပ်ဖွဲ့ဝင်များက အဆန်စီယိုအခြေစိုက်အသင်းများဖြစ်ကြတဲ့ အိုလမ်ပီယာနှင့် စာရိုပေါ်တီနိုတို့ရဲ့ Superclasico ပွဲစဉ်တွင် ရဲတပ်ဖွဲ့များက ပွဲကြည့်စင်သို့ ရော်ဘာကျည်များ၊ မျက်ရည်ယိုဗုံးများဖြင့် ပစ်ခတ်မှုကြောင့် ရာပေါင်းများစွာသော ပရိသတ်တို့ ကွင်းအတွင်း ထွက်ပြေးခဲ့ရပါတယ်။
မျက်မြင်များရဲ့အဆိုအရ Defensores del Chaco Stadium ကွင်းပွဲစဉ်တွင် စာရိုပေါ်တီနိုပရိသတ်များရှိရာ ပွဲကြည့်စင်မှ ပရိသတ်များက မီးရှူးများ ပစ်ဖောက်ရာမှ ပြဿနာစတင်ခဲ့ကြောင်း သိရပါတယ်။
ရဲတပ်ဖွဲ့ဝင်များဟာ ပရိသတ် ၁၀၀ ဝန်းကျင်ခန့် ဖမ်းဆီးထိန်းသိမ်းထားပြီး ပရိသတ် ဘယ်လောက်များများ ဒဏ်ရာရရှိသွားတယ်ဆိုတာ မသိရသေးပါဘူး။ ဒါ့အပြင် ရဲတပ်ဖွဲ့ဝင် အနည်းဆုံး ၆ ဦး ဒဏ်ရာရရှိသွားပြီး တစ်ဦးမှာ ပြင်းထန်ကြောင်း သိရပါတယ်။
ဒေသတွင်း ဆေးရုံတစ်ခုမှ ပြောရေးဆိုခွင့် ရှိသူ ဒေးဗစ်တိုရာလက်စ်က "ရဲတပ်ဖွဲ့ဝင်တွေက ခေါင်းဒဏ်ရာတွေ၊ ပြတ်ရှဒဏ်ရာတွေ၊ ထိုးသွင်းဒဏ်ရာတွေလို့ ယူဆရတဲ့ဒဏ်ရာတွေအပြင် အခြားဒဏ်ရာတွေ ရခဲ့ကြတယ်"လို့ ပြောကြားသွားပါတယ်။
ရဲတပ်ဖွဲ့ကလည်း ပွဲကြည့်စင် လုံခြုံရေးအတွက် ချက်ချင်း လုပ်ဆောင်ခဲ့တာ ဖြစ်ပြီး စုံစမ်းစစ်ဆေးမှုများ ပြုလုပ်သွားမယ်လို့ ကြေညာထားပါတယ်။
အမှတ်ပေးဇယားကို ဦးဆောင်နေတဲ့ အိုလမ်ပီယာနှင့် ဒုတိယနေရာမှ စာရိုပေါ်တာနိုတို့အကြား ရမှတ် ၆ မှတ်ကွာဟနေပါတယ်။
ပါရာဂွေးဘောလုံးအဖွဲ့ချုပ်ရဲ့ စည်းမျဉ်းအရ ပရိသတ်များကြောင့် ရပ်ဆိုင်းလိုက်ရတဲ့ပွဲကို ၃-၀ ဖြင့် အနိုင်ရစေပါတယ်။
အိုလမ်ပီယာဥက္ကဌက စာရိုပေါ်တာနိုပရိသတ်များကြောင့် ပွဲကို ရပ်ဆိုင်းခဲ့ရခြင်းဖြစ်ရာ ၎င်းတို့အသင်းမှာ ၃ မှတ်ရသင့်ကြောင်း ဆိုထားပြီး စာရိုပေါ်တာနိုကလည်း အိုလမ်ပီယာအနေဖြင့် ကွင်းကို လုံခြုံရေး ရှိအောင် လုပ်ဆောင်ထားသင့်ကြောင်း ဆိုထားပါတယ်။
