ချဲလ်ဆီးနိုင်ပွဲအပြီးတွင် ကစားဖော်ဟောင်းဂါနာချိုအား ယူနိုက်တက်စတားများ လှောင်ပြောင်လာ
====================
ယူနိုက်တက်စတားများဟာ စနေနေ့ညတုန်းက စတမ်းဖို့ဒ်ဘရစ်ချ်တွင် ချဲလ်ဆီးအား ၁-၀ ဂိုးဖြင် အနိုင်ရတဲ့ပွဲအပြီးတွင် ကစားဖော်ဟောင်းအလီဂျန်ဒရိုဂါနာချိုအား လှောင်ပြောင်လာကြပါတယ်။
ဂါနာချိုဟာ စနေနေ့တုန်းက အသင်းဟောင်းနှင့်ပွဲစဉ်မတိုင်မီ ရက်အနည်းငယ်ခန့်တုန်းက နွေရာသီတုန်းက ပေါင်သန်း ၄၀ ဖြင့် မပြောင်းမီ ယူနိုက်တက်မှာတုန်းက ဆိုးရွားတဲ့အရာများ လုပ်ခဲ့ကြောင်း ဖွင့်ဟခဲ့သူလည်း ဖြစ်ပါတယ်။
အာဂျင်တီးနားလက်ရွေးစင်ဟာ မေလတုန်းက စပါးစ်နှင့် ယူရိုပါလိဂ်ဗိုလ်လုပွဲနှောင်းပိုင်းတွင်မှ အရန်အဖြစ်သာ ပါဝင်ကစားခွင့်ရပြီးနောက် ယူနိုက်တက်နည်းပြဟောင်းရူဘင်အမိုရမ်နှင့် လူသိရှင်ကြား ပြဿနာတက်ကာ ထွက်ခွာခဲ့ရတာပါ။
ရက်ဖို့ဒ်ဟာ ယူနိုက်တက်မှ မထွက်ခွာမီ ရူဘင်အမိုရမ်နှင့်ပြဿနာတက်ပြီးနောက် ဗီလာတွင် အငှားဖြင့် သွားကစားနေရတဲ့ ကစားဖော်ဟောင်းမားကပ်စ်ရက်ဖို့ဒ်ရဲ့ အင်္ကျီကို ဝတ်ဆင်ထားတဲ့ ဓာတ်ပုံအား ဝတ်ဆင်ခဲ့သလို အစ်ကိုဖြစ်သူကလည်း ဂါနာချိုကို အပြစ်ပုံချနေတယ်လို့ အမိုရမ်အား စွပ်စွဲခဲ့ပါတယ်။
စတမ်းဖို့ဒ်ဘရစ်ချ်ပွဲစဉ်အပြီးတွင် ယူနိုက်တက်ကစားသမားများဟာ ကစားဖော်ဟောင်းအလီဂျန်ဒရိုဂါနာချိုအား နှုတ်ဆက်ခဲ့ခြင်း မရှိပါဘူး။
ဒါ့အပြင် လုခ်ရှောဟာ ဂါနာချိုအား တွန်းလှဲနေတဲ့ ပုံအား အင်စတာဂရမ်တွင် တင်ကာ 'important win' ဆိုတဲ့ စာသားကို ရေးသားသွားပါတယ်။
ယင်းနောက် ယူနိုက်တက်အသင်းခေါင်းဆောင်ဘရူနိုဖာနန်ဒက်စ်က ယင်းပို့စ်အား 'That's a violation' ဆိုတဲ့ စာသားဖြင့် ရှယ်ယာလုပ်သွားပါတယ်။ ယူနိုက်တက်ကစားဖော်ဟောင်းအဲလက်စ်တဲလ်လက်စ်ကလည်း မီးပုံ Emoji နှစ်ခု၊ အသည်းပုံ Emoji တစ်ခုဖြင့် မျှဝေသွားပါတယ်။