အီတလီအသင်းအား ကွန်တီကို ပူးတွဲ ကိုင်တွယ်ခွင့်ပေးလာတဲ့ နာပိုလီ
====================
နာပီုလီဟာ အန်တိုနီယိုကွန်တီအနေဖြင့် ကလပ်ရာထူးမှ မနုတ်ထွက်ဘဲ အီတလီအသင်းကိုလည်း ပူးတွဲကိုင်တွယ်ခွင့်ပေးလာပါတယ်။
နာပိုလီအသင်းပိုင်ရှင်အူရယ်လီယိုဒီလော်ရန်တစ်ဟာ တကယ်လို့များ အီတလီဘောလုံးအဖွဲ့ချုပ်ဘက်က ကလပ်နှင့် နိုင်ငံအသင်းအား ပူးတွဲကိုင်တွယ်ခွင့်ပေးလာမည်ဆိုပါက ကွန်တီအား ခွင့်ပြုလာမည်ဖြစ်ကြောင်း ပြောကြားလာတာလည်း ဖြစ်ပါတယ်။
အီတလီနည်းပြဂတ်တူဆိုဟာ ကမ္ဘာ့ဖလားခြေစစ်ပွဲထပ်မံကျပြီးနောက် ရာထူးမှ နုတ်ထွက်သွားခဲ့ပါတယ်။
အီတလီဘောလုံးအဖွဲ့ချုပ်ဟာ လစ်လပ်နေတဲ့ နည်းပြရာထူးအတွက် နည်းပြသစ်ခန့်အပ်ရေး ရှာဖွေနေပါတယ်။
ယခုအခါ ဒီလော်ရန်တစ်က "တကယ်လို့ အန်တိုနီယိုကသာ တောင်းဆိုလာမယ်ဆိုရင် ကျွန်တော်တို့ဘက်ကလည်း ခေါင်းညှိတ်လာမှာပါ"လို့ ပြောကြားသွားပါတယ်။
အသက် ၅၆ နှစ်ရှိ ကွန်တီဟာ ဂျူဗင်တပ်၊ ချဲလ်ဆီး၊ အင်တာမီလန်၊ နာပိုလီတို့နှင့်အတူ အောင်မြင်မှုများ ရယူခဲ့သူဖြစ်ပြီး စပါးစ်ကိုလည်း ကိုင်တွယ်ဖူးပါတယ်။
လတ်တလောဟာ အီတလီဘောလုံးအဖွဲ့ချုပ်ဟာ ယာယီနည်းပြအဖြစ် ဆယ်ဗီယိုဘယ်ဒီနီအား ခန့်အပ်ထားပြီး လာမယ့် ဇွန်လ ခြေစမ်းပွဲစဉ်များကို ကိုင်တွယ်ခွင့်ပေးထားပါတယ်။
ဒါ့အပြင် နာပိုလီအသင်းဥက္ကဌဒီလော်ရန်တစ်က အီတလီဘောလုံးအဖွဲ့ချုပ်ဥက္ကဌရာထူးအတွက် ဂျီယိုဗန်နီမာလာဂိုအား ထောက်ခံကြောင်းလည်း ပြောကြားသွားပါသေးတယ်။
