တန်းဆင်းဇုန်အပေါ်တွင် ရပ်တည်ရပြီးနောက် လေ့ကျင့်ရေးကွင်းတွင် ဒေါသထွက်နေတဲ့ ပရိသတ်များနှင့် ဆီဗီလာကစားသမားများ ခိုက်ရန်ဖြစ်ပွား
==================
ဆီဗီလာကစားသမားများဟာ တန်းမဆင်းရရေး တိုက်ပွဲဝင်နေရမှုကြောင့် ဒေါသထွက်နေတဲ့ ပရိသတ်များနှင့် လေ့ကျင့်ရေးကွင်းတွင် ခိုက်ရန် ဖြစ်ပွားခဲ့ကြပါတယ်။
စပိန်ကလပ်ဟာ လာလီဂါအမှတ်ပေးဇယားအဆင့် ၁၇ နေရာတွင် ရပ်တည်နေပြီး တန်းဆင်းဇုန်နှင့် ၂ မှတ်အကွာတွင် ရပ်တည်နေတာ ဖြစ်ပါတယ်။
ယခင်တုန်းက ဥရောပပြိုင်ပွဲများ ဝင်ရောက်ယှဉ်ပြိုင်လာခဲ့တဲ့ ဆီဗီလာဟာ ရာသီသိမ်းရန် ၈ ပွဲတည်းသာ ကစားရန် လိုတော့တဲ့အချိန်တွင် အဆင့် ၁၈ နေရာမှာ အယ်ချီနှင့် ၂ မှတ်အကွာမှာ ရပ်တည်နေတာလည်း ဖြစ်ပါတယ်။
Marca ရဲ့ ဖော်ပြလာမှုအရ ကစားသမားများဟာ တနင်္ဂနွေနေ့တုန်းက အိုဗီဒိုအား ၁-၀ ဂိုးဖြင့် ရှုံးနိမ့်တဲ့ပွဲအပြီး ဆန်ပါဘလိုလေယာဉ်ကွင်းတွင် ပရိသတ်များနှင့် ပြဿနာတက်ခဲ့ကြောင်း သိရပါတယ်။
ပရိသတ်များက "ထွက်သွားကြ၊ အဝေးသွားကြ၊ xxx တွေ၊ ထွက်သွား"လို့ အော်ဟစ်ခဲ့ကြသလို "ဂျူနီယာ၊ သေလိုက်၊ မင်းမျက်နှာပြစမ်း၊ ငကြောက်"လို့ အော်ဟစ်ခဲ့ကြပါတယ်။
ယင်းနောက်မှာတော့ ဆီဗီလာပရိသတ်များဟာ ဆီဗီလာအသင်းလေ့ကျင့်ရေးကွင်းသို့ ရောက်လာခဲ့ကြပါတယ်။ ကလပ်ဟာ ပရိသတ်များကြောင့် ရဲတပ်ဖွဲ့ဝင်ထံ ချက်ချင်းအကူအညီတောင်းခဲ့ရပါတယ်။ ရဲတပ်ဖွဲ့ကလည်း အသင်းကို ကာကွယ်ရန် လုံခြုံရေးစည်းချထားရပါတယ်။
ဆီဗီလာပရိသတ် ၅၀ ဦးခန့်တို့ဟာ အိုဗီဒိုရှုံးပွဲအပြီး ပြန်ရောက်လာတဲ့ ဆီဗီလာအသင်းသားများကို စောင့်ဆိုင်းကာ ကစားသမားများကို ရန်မူရန် ကြိုးပမ်းခဲ့ကြတာ ဖြစ်ပြီး လုံခြုံရေးဝန်ထမ်းများက ကစားသမားများအား မထိခိုက်အောင် ကာကွယ်ပေးခဲ့ရပါတယ်။
