ဘုန်းမောက်ပွဲမှ အနီကတ်အတွက် အက်ဖ်အေရဲ့ စွဲချက်တင်မှုအား မက်ဂွိုင်းယားခံလာရမှုနှင့်အတူ ထိုးနှက်ချက် ကြုံလာရတဲ့ ယူနိုက်တက်
==================
ဟယ်ရီမက်ဂွိုင်းယားဟာ ဘုန်းမောက်ပွဲစဉ်တွင် အနီကတ်ပြသခြင်းခံရပြီးနောက် စတုတ္ထဒိုင်လူကြီးအား ဆဲဆိုပြောဆိုခဲ့မှုအတွက် အက်ဖ်အေရဲ့ စွဲချက်တင်ခြင်းခံလာရပါတယ်။
ယူနိုက်တက်နောက်ခံလူဟာ ယင်းပွဲစဉ်နှောင်းပိုင်းတွင် ပြစ်ဒဏ်ကျူးလွန်မှုအတွက် အနီကတ်ပြသခြင်းခံခဲ့ရပြီး ပင်နယ်တီပေးခဲ့ရကာ ချေပဂိုးပေးခဲ့ရပါတယ်။
သူဟာ ဒိုင်လူကြီးစတူးအပ်ပီယာ့စ်ကို စောဒကတက်ခဲ့သလို စတုတ္ထဒိုင်လူကြီးကိုလည်း ရန်လိုတဲ့အပြုအမူဖြင့် ပြောဆိုခဲ့ပါတယ်။
ယခုအခါ ဟယ်ရီမက်ဂွိုင်းယားဟာ ယင်းလုပ်ရပ်များအတွက် အက်ဖ်အေရဲ့ စွဲချက်တင်ခြင်းခံထားရပြီး ယနေ့တွင်ပင် ပြန်လည်တုံပြန်မှု ပြုလုပ်ရပါမယ်။
မက်ဂွိုင်းယားဟာ ဘုန်းမောက်ပွဲမှ အနီကတ်အတွက် ၁ ပွဲပယ်ခံထားရပြီးဖြစ်ကာ ယခု ထပ်မံ စွဲချက်တင်ခြင်းခံလာရမှုနှင့်အတူ ပွဲပယ်ပြစ်ဒဏ်တိုးမြှင့်ချမှတ်ခြင်းခံလာရဖို့ ရှိနေပါတယ်။
မက်ဂွိုင်းယားဟာ ၂၀၁၉ ခုနှစ်တုန်းက လက်စတာအတွက် ကစားစဉ် ဘုန်းမောက်နှင့်ပွဲတွင် ပထမဆုံးအနီကတ်ပြသခြင်းခံရပြီးနောက် ယူနိုက်တက်တွင် ကစားစဉ်အတွင်း ပထမဆုံးအနီကတ်ပြသခြင်းခံလာရတာလည်း ဖြစ်ပါတယ်။
သူဟာ လိဒ်နှင့်ပွဲစဉ်ကို လွဲချော်လာမယ့်အပြင် စတမ်းဖို့ဒ်ဘရစ်ချ်တွင် ချဲလ်ဆီးနှင့် ကစားမယ့်ပွဲကိုလည်း လွဲချော်လာနိုင်ပါတယ်။
