နွေရာသီတွင် လီဗာပူးနည်းပြရာထူးအား လက်ခံရန် အသင့် ရှိနေတဲ့ အလွန်ဆို
==================
ဇာဘီးအလွန်ဆိုဟာ နွေရာသီတွင် ဖိအားများအောက် ကျရောက်နေတဲ့ အန်းဆလော့ နေရာတွင် လီဗာပူးနည်းပြအဖြစ် အစားထိုးတာဝန်ယူရန် အသင့်ဖြစ်နေကြောင်း သိရပါတယ်။
အသက် ၄၇ နှစ်ရှိ ဆလော့ဟာ စနေနေ့တုန်းက ဘရိုက်တန်ကို ၂-၁ ဖြင့် ရှုံးနိမ့်ပြီးနောက် ယခုရာသီ ၁၀ ပွဲမြောက် ပရီးမီးယားလိဂ်ရှုံးပွဲကြုံတွေ့ရကာ ထိပ်ဆုံး ၄ သင်းနှင့် ရမှတ် ၅ မှတ်အထိ ကွာဟလာပါတယ်။
ဒတ်ချ်လူမျိုးနည်းပြဟာ ပရီးမီးယားလိဂ်ချန်ပီယံဘွဲ့အား မကာကွယ်နိုင်တော့တဲ့ အခြေအနေသို့ ရောက်လာမှုနှင့်အတူ အနာဂတ်အတွက်ပါ မရေမရာ ဖြစ်လာပါတယ်။
ယနေ့တွင် ဂျာမန်သတင်းစာ Bild က လီဗာပူးတာဝန်ရှိသူများက အန်းဆလော့နေရာကို ဆက်ခံမယ့်သူအဖြစ် အသက် ၄၄ နှစ်ရှိ အလွန်ဆိုကို မျက်စိကျနေကြောင်း ဖော်ပြလာပါတယ်။
တဖက်တွင် အလွန်ဆိုကိုယ်တိုင်ကလည်း ကစားသမားဘဝတုန်းက ၅ နှစ်တိုင်တိုင် ကျင်လည်ခဲ့ဖူးတဲ့ အန်ဖီးလ်သို့ ပြန်လာရန် စိတ်အားထက်သန်နေပါတယ်။
ဒါပေမယ့် ဇာဘီးအလွန်ဆိုဟာ အသင်းတည်ဆောက်ရေးအတွက် အပြည့်အဝ ထိန်းချုပ်ခွင့်ပေးမှသာလျှင် လီဗာပူးသို့ ပြန်လာမှာလည်း ဖြစ်ပါတယ်။
