အောက်စ်ဖို့ဒ်ဆရာတော်ကြီးမှ လူငယ်များအတွက် တိုးတက်စိတ်ထားနှင့် မုဒိတာပွားများခြင်း (growth mindset and mudita) ဆိုင်ရာ အလုပ်ရုံဆွေးနွေးပွဲတွင်ဟောပြောတော်မူ
ရှမ်းပြည်နယ်၊ ဗုဒ္ဓတက္ကသိုလ်ဦးစီးတည်ထောင်သူ ကမ္ဘာ့ဗုဒ္ဓသာသနာပြု အောက်စ်ဖို့ဒ်ဆရာတော်နှင့် ရှမ်းတောင်ပရဟိတညီနောင်များကွန်ယက်တို့ကြီးမှူး၍ "တိုးတက်စိတ်ထား၊ မုဒိတာနှင့် ကြံ့ခိုင်စိတ်ထား"ခေါင်းစဥ်ဖြင့် တစ်ရက်တာအလုပ်ရုံဆွေးနွေးပွဲကို မတ် ၂၂ ရက်က တောင်ကြီးမြို့ရှိ ကမ္ဗောဇသာသနာရင်င်္ကာရ ဓမ္မာရုံတွင်ကျင်းပခဲ့သည်။
အဆိုပါ တစ်ရက်တာအလုပ်ရုံဆွေးနွေးပွဲအား အသက် (၁၆)နှစ်မှအသက်(၂၅)နှစ်အတွင်းရှိ လူငယ်များ၏ အတွေးအခေါ်မြှင့်တင်ရေးနှင့် အပြုသဘောဆောင်သောစိတ်ဓာတ်များထွန်းကား၊ ကြံ့ခိုင်လာစေရန်ရည်ရွယ်၍ ကျင်းပခြင်းဖြစ်ကာ အောက်စ်ဖို့ဒ်ဆရာတော်ကြီးမှ ဟောပြောတော်မူခဲ့သည်။
အလုပ်ရုံဆွေးနွေးပွဲသို့ တက္ကသိုလ်ကျောင်းသား/ကျောင်းသူများ၊ ပုဂ္ဂလိကကျောင်းများမှ ဆရာ/ဆရာမများနှင့် ကျောင်းသား/ကျောင်းသာ(၂၉၅)ဦးတက်ရောက်ခဲ့ကြသည်။
