မတ်လအတွင်း FX Market Online Trading Platform တွင် ဒေါ်လာအပါအဝင် ယွမ်၊ ဘတ်နှင့် ရူပီးသန်းပေါင်းများစွာကို အရောင်းအဝယ်ပြုလုပ်ခဲ့

မတ်လတတိယပတ်အထိ FX Market Online Trading Platform တွင် သွင်းကုန်လုပ်ငန်းရှင်များနှင့် နိုင်ငံခြား ငွေလိုအပ်သူများမှ ကန်ဒေါ်လာ(၂၅၇ ဒသမ ၇၈)သန်း၊ ယွမ်(၁၀၃ ဒသမ ၇၀)သန်း၊ ဘတ်(၈၂၆ ဒသမ ၄၂) သန်းနှင့် ရူပီး(၁၁ ဒသမ ၉၉)သန်းတို့ကို အရောင်းအ ဝယ်ပြုလုပ်ခဲ့ကြကြောင်း သိရသည်။

ယင်း နိုင်ငံခြားငွေကြေးရောင်းဝယ်မှုစျေးကွက်အတွင်းသို့ ဗဟိုဘဏ်မှလည်း ကန်ဒေါ်လာ(၃ ဒသမ ၈၄)သန်း၊ ယွမ်(၀ ဒသမ ၇၇)သန်းနှင့် ဘတ်(၃၇ ဒသမ ၇၆)သန်းတို့ကိုရောင်းချပေးခဲ့ကာ ဗဟိုဘဏ်မှ မတ်လတတိယပတ်အထိ စက်သုံးဆီလုပ်ငန်းရှင်များအား ကန်ဒေါ်လာ (၉၆)သန်းရောင်းချပေးခဲ့ပြီးဖြစ်ကြောင်း သိရသည်။

ဈေးကွက်အတွင်း၌ နိုင်ငံခြားငွေဖြင့် စားသုံးဆီ၊ စက်သုံးဆီ၊ ဓာတ်မြေဩဇာ၊ ဆေးဝါးနှင့် ဆေးဝါးကုန်ကြမ်းပစ္စည်းများ၊ စက်မှုကုန်ကြမ်း၊ စားသုံးကုန်စည်၊ မုယော၊ တိရိစ္ဆာန်အစာ၊ ထုပ်ပိုးပစ္စည်း၊ ဆောက်လုပ်ရေး လုပ် ငန်းသုံးပစ္စည်း၊ ကတ္တရာ၊ မီးဖိုချောင်သုံးဂတ်စ်၊ ကား/ဆိုင်ကယ်အပိုပစ္စည်း၊ အင်ဂျင်ဝိုင်၊ စိုက်ပျိုးရေး လုပ် ငန်းသုံးပစ္စည်းများ၊ ပိုးသတ်ဆေး၊ လူသုံးကုန်ပစ္စည်းများ၊ ဆက်သွယ်ရေးလုပ်ငန်းသုံးပစ္စည်းများ၊ အီလက်ထရောနှစ်ပစ္စည်းများ၊ အခြားကုန်ပစ္စည်းများနှင့် Non Trade Transaction များကိုဝယ်ယူခဲ့ကြောင်း သိရသည်။