LNG တန်(၃)သောင်းကျော်တင်လာသည့်သင်္ဘော (၅) ကြိမ်မြောက်အဖြစ် သီလဝါဆိပ်ကမ်းဆိုက်ကပ်လာ
သဘာဝဓာတ်ငွေ့ရည်(LNG ၃၃,၈၀၀ တန်)တင်ဆောင်လာသော MT DAPENG PRINCESS သင်္ဘောသည် ယနေ့ မတ် ၂၀ ရက်နံနက်ပိုင်းက (၅)ကြိမ်မြောက်အ ဖြစ် ရန်ကုန်မြို့၊ သီလဝါဆိပ်ကမ်းရှိ CVE ဘေးတွင်ကပ်ပြီး သဘာဝဓာတ်ငွေ့ရည်(LNG)များကိုဖြည့်တင်းပေးခဲ့သည်။
ထို့ပြင် မြန်မာ့နှစ်သစ်ကူးကာလဖြစ်သည့် သင်္ကြန်ပွဲ တော်မတိုင်မှီတွင်လည်း သဘာဝဓာတ်ငွေ့ရည်(LNG) များကိုဖြည့်တင်းပေးနိုင်ရန် (၆)ကြိမ်မြောက်အဖြစ် ထပ်မံရောက်ရှိလာမည်ဖြစ်သည်။
အဆိုပါ သဘာဝဓာတ်ငွေ့ရည်(LNG)မှ လျှပ်စစ်ဓာတ်အား(၅၀၀)မဂ္ဂါဝပ်ထုတ်လွှတ်ပြီး သီလဝါစက်မှုဇုန်အ ပါအဝင် ရန်ကုန်တိုင်းရှိ စက်မှုဇုန်များနှင့် အရေးကြီးနေရာများကို (၁)ယူနစ်လျင် (၉၀၀)ကျပ်ဖြင့် လျှပ်စစ် ဓာတ်အားဖြန့်ဖြူးပေးလျက်ရှိရာ မဟာဓာတ်အားလိုင်းမှ အခြားနေရာများသို့ လျှပ်စစ်ဓာတ်အားပိုမိုဖြန့်ဖြူးပေးနိုင်မည်ဖြစ်သည်။
