Fossil Fuel တွေဟာ ခေတ်သစ်စက်မှုတော်လှန်ရေးကနေမှ စတင်ခဲ့တာမဟုတ်ဘဲ လွန်ခဲ့တဲ့ နှစ်ပေါင်းထောင်ချီကတည်းက ရှေးဟောင်းလူသားတွေရဲ့ လူနေမှုဘဝမှာ Bitumen (ကတ္တရာစေး) အဖြစ်နဲ့ အရေးပါခဲ့ပါတယ် ရေနံစိမ်းတွေဟာ မြေပြင်ပေါ်ကို သဘာဝအတိုင်း စိမ့်ထွက်လာရာကနေ ရှေးဟောင်း မက်ဆိုပိုတေးမီးယားနဲ့ ပါရှားလူမျိုးတွေက ဒါကို အဖိုးတန်တဲ့ ကုန်ကြမ်းတစ်ခုအဖြစ် စတင်အသုံးပြုခဲ့ကြပါတယ်
Babylon လိုမျိုး ရှေးဟောင်းမြို့တော်ကြီးတွေမှာ Bitumen ကို အုတ်စီရာမှာ ရေလုံစေတဲ့ အင်္ဂတေအဖြစ် အသုံးပြုခဲ့ကြပါတယ် ဒါ့အပြင် လှေတွေကို ရေမဝင်အောင် ဖာထေးတာ၊ ခြင်းတောင်းတွေကို ရေလုံအောင် လုပ်တာနဲ့ ကိရိယာတွေကို ကပ်ခွာအဖြစ် အသုံးပြုတာတွေမှာလည်း အသုံးဝင်ခဲ့ပါတယ်
ဘာကူး (Baku) လိုမျိုး ဒေသတွေမှာ သဘာဝဓာတ်ငွေ့တွေ မြေပြင်ကနေ ထွက်လာပြီး အလိုအလျောက် လောင်ကျွမ်းနေတဲ့ မီးတောက်တွေဟာ ရှေးလူသားတွေအတွက်တော့ နက်နဲဆန်းကြယ်တဲ့ အရာတွေ ဖြစ်ခဲ့ပါတယ် ထူးဆန်းတာက ဒီမီးတောက်တွေဟာ Zoroastrianism (မီးကိုးကွယ်သည့်ဘာသာ) လိုမျိုး ဘာသာရေးယဉ်ကျေးမှုတွေအပေါ်မှာလည်း အကြီးအကျယ် လွှမ်းမိုးခဲ့ပါတယ်
နောက်ပြီး ရှေးခေတ်လူတွေဟာ ရေနံစိမ်းကို ဆေးဝါးအဖြစ်နဲ့ မမ်မီ (Mummification) ပြုလုပ်ရာမှာတောင် အသုံးပြုခဲ့ကြပါသေးတယ် ၁၉ ရာစုမှာ ရေနံကို သန့်စင်ပြီး ရေနံဆီနဲ့ ဓာတ်ဆီအဖြစ် ပြောင်းလဲနိုင်တဲ့ နည်းပညာတွေ ပေါ်ထွက်လာပြီးနောက်မှာတော့ ဒီ အမည်းရောင်ရွှေတွေ (Black Gold) ဟာ ကမ္ဘာ့စီးပွားရေးရဲ့ အင်ဂျင်ကြီး ဖြစ်လာခဲ့ပါတယ်
ဒါကြောင့် သဘာဝတရားက ပေးတဲ့ အရင်းအမြစ်တွေဟာ ရှေးခေတ်ကတည်းက ရှိနေခဲ့တာဖြစ်ပြီး လူသားတွေရဲ့ ဗဟုသုတနဲ့ နည်းပညာ တိုးတက်လာမှုအပေါ် မူတည်ပြီးတော့မှသာ အဲ့ဒီအရာတွေရဲ့ တန်ဖိုးက ကမ္ဘာကြီးကို ပြောင်းလဲပစ်နိုင်တဲ့အထိ ကြီးမားလာတာဖြစ်ပါတယ်