လာမည့် လများအတွင်း မိုးတိမ်တောင်ဖြစ်ထွန်းမှု ပိုမိုအားကောင်းနိုင်
မိုးကြိုကာလများဖြစ်သည့် လာမည့်ဧပြီနှင့် မေလတွင် မိုးတိမ်တောင်ဖြစ်ထွန်းမှု ပိုမိုအားကောင်းနိုင်သည်ဟု မိုးလေဝသနှင့်ဇလဗေဒ ညွှန်ကြားမှုဦးစီးဌာနမှ သိရသည်။
ထိုလများအတွင်း နေ့အပူချိန်များ တဖြည်းဖြည်းမြင့်တက်လာကာ လေထုထဲ၌ ရေငွေ့ပါဝင်မှု များလာနိုင်သည်ဟုလည်း သိရသည်။
ထိုသို့ မိုးတိမ်တောင်များ ရွေ့လျားရာ နေရာတစ်လျှောက်၌ အချိန်အခါမဟုတ် မိုးရွာသွန်းခြင်း၊ လေပြင်းတို-က်ခတ်ခြင်းများ ကြုံနိုင်ကြောင်းလည်း သိရသည်။
ထို့ပြင် မိုးထစ်ချုန်းရွာခြင်း၊ မိုးကြိုးပ-စ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များလည်း ဖြစ်ပေါ်နိုင်သည်ဟုသိရသည်။
မိုးတိမ်တောင်များသည် အများအားဖြင့် နေ့လယ်ပိုင်းနှင့် ညနေပိုင်းများ၌ အဖြစ်များလေ့ရှိကာ မိုးတိမ်တောင်
ဖြစ်ပေါ်လာပါက လေဖြည်းဖြည်းတိုက်ရာမှ လေပြင်းထန်မှုဖြစ်လာတတ်ကြောင်းလည်း သိရသည်။
ထို့ကြောင့် ပြည်သူများအနေဖြင့် ကြိုတင်သတိပြုရန်လည်းလိုကြောင်း မိုးလေဝသနှင့်ဇလဗေဒ ညွှန်ကြားမှုဦးစီးဌာနက အသိပေးထုတ်ပြန်ထားသည်။
